Illegal LPG refilling station gironda

CEBU, Philippines — Unom ka tawo ang naatlan nga nag refill og liquefied petroleum gas (LPG) sa mga basiyo sa lata sa butane ang gipangsikop  diha sa illegal nga refilling station diha sa Sitio Lawis, Barangay Maghaway, Dakbayan sa Talisay niadtong Lunes sa hapon. Ang mga dinakpan mao sila si Elmer Rulona; Alfred Rulona Padayao; Loi Dilbo Padigos; Junifer Cabanilla Gadiano; Jensen Rita Barliso ug si Cecilio Barliso Padayao, pulos nagpuyo sa maong dapit.

Ang operasyon gihimo human ang mga nagpuyo sa dapit nisumbong diha sa kapolisan kabahin sa maong illegal nga drugas. Ang pag-refill og LPG sa mga lata sa butane gidili tungod kay dali kining mobuto ug dili haom ang maong lata aron sudlan og LPG. Kini maoy hinungdan sa mga nahitabong dagkong mga sunog dinhi sa Sugbo sud na sa pipila ka mga tuig.

Nakuha sa mga operatiba ang walo ka dagko nga LPG tanks; upat ka improvised refilling machines; improvised cooling device; usa ka sako nga butane cannisters; duha ka hand bags nga puno sa lata sa butane ug laing 16 ka sako nga puno sa butane canisters.

Si Police Major Gerard Ace Pelare, pangu sa kapulisan sa Syudad nagkanayon nga dili lang sila nakatutok sa pagpanakop sa mga tawo nga nalambigit sa ginading drugas kundi lakip na ang tanan nga binuhatan nga ilegal.

Si Mayor Gerald Anthony “Samsam” Gullas Jr. daan nang mimando sa kapolisan nga pangusgan ang kampanya labot ining ilegal nga LPG refilling stations nga ang gisudlan mga basiyo sa lata sa butane tungod kay peligro sa katawhan pinaagi sa sunog.

Niadtong miaging semana, usa ka susamang illegal nga nag-refill og LPG sa butane canisters ang naugdaw human nangbuto ang mga lata nga gikargagan og LPG. IBM (BANATNEWS)