Labella: Pakgangon ang krimen una pa mahitabo
Mary Ruth R. Malinao (Banat) - October 23, 2019 - 12:00am

CEBU, Philippines — Nakigtagbo si Cebu City Mayor Edgardo Labella sa mga nanag-iya og mall ug ilang security agencies aron mapangandaman ang mga posibleng pagpanulis nga mahitabo nunot sa nahitabong pagpanulis sa us aka mall didto sa Mandaue City niadotng Sabado sa gabii.

Kinse ka tulisan ang nisakiyo og P130 milyones gikan sa mga pawnshops ug kwarta nga nagkantidad og P6 milyon gikan sa usa ka money changer sa maong mall.

Ang tigum gitambongan sa taga Cebu City Police Office (CCPO) nga nipasalig sa mayor nga ang police visibility magpabilin sa tibuok syudad, labi na sa mga bangko, pawnshops, ug money changers.

“Ato man ning Cebu City, so kita gyud ang mobantay ani,” segun ni Labella sa CCPO ug sa mga tag-iya og malls.

Matud ni Labella ang kinahanglan ang koordinasyon tali sa kapolisan ug mga tag-iya sa malls. Ang mga representante sa mga malls ug balay patigayon mipakita sab sa maong tigom sa ilang mga gihimong pamaagi sa seguridad batok sa mga pagpanulis.

Ang SM ug Robinsons miingon nga duna silay nakamuntar nga closed-circuit television (CCTV) system nga tanang oras gimonitor.

Apan si Labella mas gustong maunhan ang krimen una pa mahitabo. Gusto sa mayor nga dunay aktibong mga buhaton ang mga stakeholders nga pakgangon daan ang mga krimen una pa kini mahitabo.

Kini tungod kay naobserbahan nga ang kapuslanan lamang sa mga CCTV cameras mao ang pagsubay kun kinsa ang mga nanulis human sa krimen.

Apil usab sa giuyonan ang pagpahugot sab sa mga parking areas sa mga malls.

Gipahibalo usab ni Labella ang plano sa syudad nga magtukod og usa ka artificial intelligence system sa dili pa mahuman ang tuig. Matod niya nga mahal ang proyekto tungod kay kini sopistikado.

Pinaagi niini, ma-alerto dayon ang syudad panahon sa emerhensiya.

Si Labella magpadala og suwat sa mga kapitan sa barangay aron papanid-anang mga boarding houses ug apartments sa ilang mga lugar, labi na para sa pag-ila sa mga “transients” o kadtong moabang lang og inadlaw. (/IBM)(BANATNEWS)

KRIMEN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with