Pagtukod og desalination plant gikanselar
CEBU, Philippines — Gihimakak ni Cebu City Mayor Edgardo Labella ang pasangil nga apil siya sa pagkanselar sa proyekto sa Metro Pacific Investments Corp. (MPIC) ug Aboitiz Consortium alang sa pagtukod og usa ka desalination plant sa Lapu-Lapu City.
Matud ni Labella nga nakadawat ra siya sa rekomendasyon sa joint venture committee.
Niadtong Hunyo gidawat sa Metropolitan Cebu Water District ang sugyot sa MPIC-Aboitiz Consortium alang sa pagtukod og usa ka desalination plant.
Niadtong Oktubre 1, 2019 gituki atol sa sesyon sa konseho sa Dakbayan sa Sugbo ang kabahin sa isyu sa tubig nga gitambungan sa kadagkuan sa MCWD ug sa University of San Carlos-Water Resource Center (USC-WRC).
Gipadayag ni Engr. Maria Nenita Jumao-as sa USC-WRC nga ang desalination usa ka desperado nga lakang maong karon anaa na sa desperado nga kahimtang.
Niadtong Septiyembre 27, 2019, taliwala sa mga solusyon nga gipresentar sa MCWD, ang pagtukod og mga desalination plants ang usa sa sulbad sa problema. (BANAT NEWS)
- Latest