17 tawo nakuhaag shabu gitanggong
Romeo Limpangog (Banat) - October 19, 2019 - 12:00am

CEBU, Philippines — Dul-an 20 ka tawo ang nadakpan sa managlahing anti-illegal drug operations nga gilusad sa kapolisan sa Mandaue ug sa Talisay City.

Sa Presinto  1  sa  Mandaue  City  Police Office (MCPO) siyam ka mga nagsakay og motorsiklo ang nasikop sa miaging gabii sa A. Soriano  Avenue  sa Barangay  Centro.

Si Police Master  Sergeant  Angelo  Arnais  sa Presinto 1  sa MCPO  miila sa ilang  dinakpan  nga mao sila si Johnrey  Aparaca, 28; Aljun  Maloloy-on,  22;   Mac Joey  Honoridez,  28; Carl  Raymond  Hezula, 23; Bienvenido  Tulod, 32; Louie   Villamor, 25;  Jommel  Ando, 36; Ram Jun Batiller, 28; ug  Hermie  Martinez,25. Gisikop sila human nagsakpang naghupot og ginadiling drugas.

Nadakpan usab sa buy bust operation ang pusher og shabu  sa  Barangay  Yati, Lungsod sa Liloan nga giila nga mao si Richmark  Quiñanopa, 27, nga nakuhaan og  lima  ka gagmay nga paketeng gituohang shabu ug buy bust money.

Sa Dakbayan sa Talisay, walo sab ka tawo ang nadakpan samtang usa ang nakasibat sa gihimo nga Oplan Linis Talisay didto sa Barangay Tanke niadtong Huwebes sa gabii.

Ang operasyon gisugdan paglingkod sa bag-ong hepe sa Syudad si Police Major Gerard Ace Pelare. Ang grupo ni Police Captain Mikhail Mallorca, deputy chief sa Talisay City Police Station maoy nidakop nila ni Frederico Tangag Padin, 40; Glenn Pacada Del Rosario, 29; Eduardo Subsoban Villaro, 27; Chinbird Padillo Magadia, 55; ug Quisie Labajo Abarquez, 32. Nakuhaan sila og nagkadaiyang ilegal nga drugas.

Samtang nakasibat si Christopher Mabanag Solon,  kinsa gituohang may tagiya sa .22 magnum revolver nga nakuha sa kapulisan atol sa operasyon nga dali niining gibiyaan.

Apil sa gisikop ang mga nagsugal og video karera ug mole-mole machines nga sila si Bladie Mherl Badayos, 20; Eduardo Paculaba, 55; ug si Jussa Paculaba, 54. (/IBM)(BANATNEWS)

DRUGS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with