Babayeng “pusher” gipatay sa silingang “pusher” sab
Rowena Capistrano (Banat) - October 18, 2019 - 12:00am

CEBU, Philippines — Patay ang usa ka 31-anyos nga ginang human kini gipusil diha sa may Sitio Ponce 2, Barangay Carreta ning Dakbayan sa Sugbo, kagahapon sa kaadlawon.

Ang nakalas naila nga si Jacquilyn Palomas, alyas Jopay, residente sa maong lugar, adunay kapuyo nga naa karon sa prisohan tungod sa illegal nga drugas sukad pa niadtong Enero ning tuiga.

Samtang ang mamumuno nga nailhan na sa kapulisan padayon pa nga nga gipangita.

Matud pa sa hepe sa Waterfront Police Station, Police Major Joemar Pomarejos, ang biktima anaa sa gawas sa ilang balay naglingkod sa dihang gipusil kini sa mamumuno  sa way igong hinungdan. Ang mamumuno daling nisibat human sa hitabo.

Ang biktima nakaangkon ug samad pinusilan sa iyang ulo nga maoy gituohan nga hinungdan sa kamatayon niini ug tulo ka kabhang sa kalibre .45 ang nasakmit sa crime scene. Sumala pa ni Pomarejos, ang kapuyo sa biktima napriso tungod sa pagpamaligya og illegal nga drugas, samtang ang namatay nga ginang nalambigit usab sa illegal nga pagpayuhot sa drugas.

Gidudahang personal nga bangi tali sa biktima ug mamumuno ang motibo sa maong pagpatay. Giingong nireklamo sa barangay ang biktima tungod sa pagpanghulga kaniya sa maong mamumuno. Ang mamumuno giingong naila sab nga mamaligya og illegal nga drugas diha sa maong dapit sumala pa sa kapulisan. (BANAT NEWS)

PATAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with