Mga miletante nasagmuyo sa administrasyon ni Duterte
CEBU, Philippines — Nagpahigayon kagahapon sa buntag og lihok protesta ang mga nagkadaiyang militanteng pundok diha sa dalan Colon, Siyudad sa Sugbo diin gipadayag nila ang ilang kasagmuyo sa administrasyon ni Presidente Rodrigo Duterte.
Ang maong grupo nagbitbit kini og mga placard ug adunay nagdala og kaldero nga gigamit sa pagsaba-saba diha sa kadalanan. Matud ni Nador Jun Malicay, Anak Pawis regional coordinator ug Vice President for Visayas nga ang gihimo nila nga lihok protesta subay kini sa pagsaulog sa World Food Day kagahapon. Ang mga mananagat ug mag-uuma nagprotesta tungod kay giingong wala na sila’y makaon tungod sa padayon nga land use conversion, reclamation ug ang pagpatuman sa Rice Liberalization Law nga giingong maoy nakapasamot sa kalisod.
Dugang ni Malicay nga nagdala og kaldero ang mga nagprotesta aron ipakita ug madungog ni Duterte nga ang mga mag-uuma ug agrikultura maoy hatagan og prayoridad sa paghatag og budget aron mapalambo ang ekonomiya ug agrikultura aron ang katawhang Pilipino dunay pagkaon. (/BDB)(BANAT NEWS)
- Latest