Representasyon sa probinsiya sa MCWD gilauman
CEBU, Philippines – Malaumon si Gobernador Gwendolyn Garcia nga mahatagan na ang Probinsiya sa Sugbo og tingug sa Metropolitan Cebu Water District (MCWD) Board.
Kini human gitangtang sa serbisyo ni Cebu City Mayor Edgardo Labella ang lima ka sakop sa Board of Directors.
Matud ni Garcia nga iyang respetuhon ang desisyon ni Labella isip maoy appointing authority.
Gihangop ni Garcia ang pag-terminate ni Labella sa serbisyo sa lima ka sakop sa Board.
“The Mayor was just exercising his power to appoint and to disappoint,” matud ni Garcia.
Sumala sa gobernador nga ang gihimo nga lakang sa mayor magsilbi kini nga pahimangno sa mga mosunod nga mahimong sakop sa Board of Directors nga magtarung sa pagdumala sa MCWD.
Ang gitantang ni Labella mao sila si Joel Mari Yu isip chairman; Atty. Ralph Sevilla isip vice chairman; Atty. Cecilia Jugao-Adlawan isip board secretary ug mga sakop nga sila si Augustus Pe, Jr. ug Atty. Procorpio Fernandez.
Kini human sa sunod-sunod nga reklamo ug kadismaya ug walay pagkatagbaw sa mga local government units sa Metro Cebu sa serbisyo sa MCWD ngadto sa mga konsumedor tungod sa kakuwang sa supply sa tubig. (/GMR)(BANAT NEWS)
- Latest
