Mandaue mopaubos sa training batok depektosong karne
CEBU, Philippines — Gitinguha karon sa konseho sa Dakbayan sa Mandaue ang pagpangayo og panabang sa Kapitolyo alang sa pagbansay sa ilang mga kawani sa pag-ila sa mga depektosong karne sa hayopan.
Kini pinaagi sa resolusyon nga gipasar sa konseho tumong sa pagpaubos sa Training on the Livestock Emergency Guidelines and Standards (Legs) nga pagahimoon sa Cebu Provincial Veterinary Office.
Tuyo niini ang pagtubag sa panginahanglan sa pagsuta sa karneng baboy gikan sa Luzon diin niigo ng African Swine Fever virus.
“While it is imperative that precautionary measures and preventive actions are in place, it is also necessary and important to be ready to respond, plan for early recovery, reconstruction and identify risk once the ASF and other possible natural and man-made disasters occur in the City of Mandaue affecting the livestock and lives of the communities,” pagbasa sa resolusyon.
Si Konsehal Andreo Icalina ang nangamahan sa maong resolusyon tumong sa pagbansay sa mga kawani sa City Disaster Risk Reduction and Management Office, City Veterinary Office, City Agriculture Office ug ingon man ang uban pang hingtungdang buhatan sa kagamhanan sa dakbayan. GMR (BANAT NEWS)
- Latest