Davide dili komportable sa outsourcing
CEBU, Philippines — Si Bise Gobernador Hilario Davide, III nipadayag nga dili siya komportable sa pag- outsource sa mga medical personnel sa 16 ka provincial ug district hospitals sa Probinsiya sa Sugbo.
Gihangop ni Davide nga gihimo gihapon nga priority ni Gobernador Gwendolyn Garcia ang health services apan matud niiini nga wala siya makombinser sa outsourcing sa mga trabahante sa mga tambalanan.
“Kana, that remains to be seen unsay padulngan aning outsourcing, maybe the governor feels the best method, pero akong tan-aw , this is just my view, which is why katong pag-intra nato, atong giundang ang outsourcing we resorted to job order engagement because gusto nato nga ang probinsiya ang mo-hire directly sa mga medical personnel, kay mas maayo kita mismo mo-hire sa mga JO ug contract of service and medical specialist”, matud ni Davide.
Ang Kapitolyo nikuha kini og pribadong kompaniya nga maoy nagsilbing service provider alang sa pag-outsource sa mga medical ug clerical nga empleyado sa Kapitolyo.
Nikabat na ngadto sa 443 ka medical personnel ang gi-outsource sa Kapitolyo alang sa mga provincial ug district hospitals sa Sugbo. BDB (BANAT NEWS)
- Latest