Nisuway og panigpo og bata sikop
CEBU, Philippines — Usa ka 45-anyos nga mananagat kinsa giingong hubog ang nagtingkagol sa detention cell sa Argao Police Station human kini giingong nisuway og sigpo sa pribadong parte sa lawas sa usa ka estudyante sa grade 6, ang insidente nahitabo sa Barangay Taloot, Lungsod sa Argao.
Ang suspetsado mao si Emelio Antolijao, ulitawo, taga Barangay Guianon sa maong lungsod.
Ang biktima usa ka 11-anyos nga batang babaye kinsa residente usab sa maong lugar.
Matud ni Police Staff Sergeant Erna Solatorio, imbestigador sa Women and Children Protection Desk (WCPD) sa Argao Police Station nga ang bata uban sa uyoan niini padulong unta magpaputol sa buhok.
Ang suspetsado kinsa hubog nagkasugat sa biktima ug sa uyoan niini ug sa walay pagpanagana nisuway og sigpo sa pribadong parte sa lawas sa bata.
Human sa maong hitabo, ang uyoan sa bata dali kining ni-report ngadto sa kapolisan kinsa dali usab nga niresponde sa alarma.
Ang suspetsado kinsa wala pa makalayo diha sa lugar nga nahitaboan nasikop kini sa mga polis.
Matud ni Solatorio nga ang suspetsdo gikatakdang pasakaan og kasong act of lasciviousness. (/BDB)(BANATNEWS)
- Latest
