20 ka tawo nadakpan sa drugbust

CEBU, Philippines — Bisan pa sa padayong gipangusgang kampanya kontra illegal nga drugas sa gobiyerno ug daghan na ang mga nangadakpan ug napatay, duna pa gihapoy daghang mga nangadakpan sa operasyon sa kapolisan dinhi sa Metro Cebu.

Sa Lapu-Lapu City  Police  Office (LLCPO) , tulo ka mga babaye  ang nadakpan sa buwag nga operasyon sa kapolisan diha sa Barangay  Basak,  Gun-ob,  Pajo, ug Barangay  Pajac  .

Si Police Captain Albert  Jay   Samson sa City  Drug   Enforcement  Unit (CDEU) ug  City  Intelligence  Branch  (CIB)   sa   LLCPO  nakadakop kanila ni Teresita  Villacorta, 52, Maricris  Agbay, 22,  ug  Rolly  Alcover, 34, nagpuyo  sa maong dapit  nakuhaan og 16  ka putos nga shabu.

Nadakpan usab sila si Christopher Dionson,  26  nga taga Danglag   sa Lungsod sa Consolacion ug  Yoliver   Gato  Aba, 40,  nga taga Barangay Pasil  sa Dakbayan  sa Sugbo  nga nakuhaan og 11  ka paketeng shabu  nga mokabat  sa P11,888,  P1,000  nga buy bust  money ug  P300   nga gituohang halin niini.

Dugang nadakpan  nga pusher og shabu mao sila si  Jemmerson Dayangco, 26, Emmanuel  Anghel  Cabase, 32, taga  El  Tudtud,   Barangay  Mabolo,  Dakbayan sa Sugbo.

Laing nadakpan mao sila si  Nilmar  Ompad , 29  ug manghod niini nga si Leo   Ompad,  Ronald  Bayon-on,  43,  Briza Rubi Toring, 26,  taga Alumnos,  San Nicolas,  Dakbayan  sa Sugbo nga nasakmit gikan kanila ang 23  ka paketeng shabu.

Samtang sa Sitio  Ylaya, Barangay Basak, nadakpan ang duha ka gipasanginlang drug pushers nga sila si Eugene  Balingit ug   Arnel  Hilaria Apor,  20, pulos taga Sitio San Rafael, Barangay  Tangke sa Dakbayan  sa Talisay nga nakuhaan usab og 12  ka paketeng shabu ug, P1,000 buy bust money.

Talisay City

Sa operasyon nga gihimo sa Provincial Intelligence Branch sa Dakbayan sa Talisay, duha ka mga High Value Targets  ang nadakpan diha Sitio San Miguel, Barangay Linao.

Ang mga nasikop mao sila si Jomar Barliso, 29, subject sa buy bust, ug nakaeskapo ang bata-bata niining si Artele Echavez, 26.

Laing nadakpan mao sila si Rolando Rocaberte, 31anyos, Juncel Villejo,30anyos, Eric Vistal, Jake Maneja, Christian Regis, Welbert Cañedo, ug Rose Marie Omagbon.

Nangulo sa maong operation mao si Police Lt. Colonel Marlu Conag, pangulo sa PIB CPPO uban sa mga kauban lakip ang mga tinugyanan sa PDEA7.

Nasakmit gikan sa mga dinakpan ang usa ka dakong putos, usa ka medium, kinse ka gagmay nga gituohang shabu diin motimbang tanan og 2 0gramos.

Ang mga dinakpan sa maong drug den nagtingkagol na karon ug karong adlawa pasakaan og kaso. (/IBM)(BANATNEWS)