Imbestigasyon batok coffee shop sugdan
Rowena Capistrano, Alicia Chua (Banat) - October 14, 2019 - 12:00am

CEBU, Philippines — Magtagbo karong adlawa ang City Legal Office sa Dakbayan sa Sugbo aron paghimo og pormal nga imbestigasyon batok sa usa ka coffee shop nga giingong diin gikan ug nanginom og ilimnong makahubog ang grupo sa mga menor de edad nga diin ang usa kanila nga babaye ilang giamung-amongan sud sa sakyanan tungod sa kahubog.

Matud pa ni Atty. Rey Gealon, pangulo sa CLO magtagbo sila aron sugdan ang pormal nga pag imbestigar tungod kay base sa Presidential Decree 1619 nga mao ang “prohibits the use, possession, or unauthorized sale to minors of volatile substances which induces intoxication or in any manner disturbs auditory, visual or mental processes. Selling of liquor to minors is prohibited under Sections 3 and 4.”

Dugang pa ni Gealon, adunay Cebu City Ordinance 1413 o Liquor Licensing Ordinance nga nagdili sa balay patigayon nga mobaligya og ilimnon nga makahubog ngadto sa mga minor de edad.

Ang silot niini pagkapriso, multa ug pag revoke sa ilang lisensya ug permits.

Ang Cebu City Ordinance 1413 o ang Liquor Licensing Ordinance,  nagdili sab sa pagbaligya og mga ilimnon sa mga lugar sulod sa 100 metros gikan sa mga eskuylahan, ospital, simbahan ug public plaza.

Sa Revised Charter sa Siyudad sa Sugbo, ang mayor may katungod pagpasira ug pag-revoke sa permit sa mga establisamentong nakalapas sa maong ordinansa.

“We will not hesitate to recommend to the Mayor the closure, after due process, of that coffee shop and similar erring establishments,” matud ni Gealon. (/IBM)(BANATNEWS)

COFFEE SHOP
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with