Fraternity nireklamo sa taho batok kanila

CEBU, Philippines – Gihimakak sa kadagkoan sa Tau Gamma Phi fraternity ang mga nanggawas nga taho diha sa social media nga nilambigit sa ilang grupo sa hitabong pagpusil patay sa usa ka sakop sa Akrho fraternity.

Si Jefferson Seguerra, presidente sa Tau Gamma Phi- Talisay City Chapter nagkanayon nga wala nila gitugot ang bayolenti nga aksiyon sa ilang mga miyembro batok sa ubang grupo o bisan kinsang tawo.

Sayo pa, si Michael Responso, 25-anyos, taga Barangay Biasong, Siyudad sa Talisay ang gipusil patay sa ginganlan og “Lloyd” diha sa peryahan atbang sa Talisay City Hall sa Barangay Lawaan 2 atol gyud sa opening salvo sa kapistahan sa siyudad. Giingong adunay mga nanggawas nga balita diha sa social media nga nakakuha og atensiyon sa grupo ni Seguerra hinungdan nga nipagawas sila og pamahayag kabahin niini.  “Thus, we are urging the public not to post or spread irresponsible statements in social media and FAKE NEWS that would spark or trigger fraternity violence/rivalry, pending police validation and investigation”, tipik sa pamahayag sa grupo.  Si Seguerra nangangkon nga maayo ang ilang relasyon tali sa AKRHO human ilang gitamod ang ilang kasabutan nga magpuyo nga malinawon ug mosuporta sa maayong kalihukan sa katilingban. These warmongers spreading lies and deceit that the killer is a Tau Gamma Phi member and is already arrested is totally baseless and false. The picture of a person arrested and wearing fraternity shirt was taken two (2) years ago and was arrested entirely for a different case personal to him and not fraternity related”, laing tipik sa pamahayag sa Tau Gamma Phi nga gipagawas diha sa social media. (/BDB)(BANAT NEWS)