Pag-outsource og mga kawani aprobado na sa PB
CEBU, Philippines — Makasugod na ang LBP Services Corporation sa paghatag og manpower services sa Kapitolyo.
Kini human gihatagan na og pagtugot sa Provincial Board si Gobernador Gwendolyn Garcia nga mopirma sa kontrata sa maong service provider.
Ang LBP mao ang napili sa Bids and Awards Committee sa Kapitolyo nga mohatag og mga personahe alang sa mga hospital ug nagkadaiyang buhatan sa Kapitolyo pinaagi sa “on-call basis” alang sa mga medical, paramedical ug allied services lakip na sa mga non-medical ug clerical services sulod sa usa ka tuig.
Ang gigahin nga pondo sa pag-outsource og mga medical personnel niabot sa P176.6 milyones samtang P82.9 milyones sa non-medical ug clerical nga empleyado.
Ang resolusyon gipangamahanan ni Bokal Raul Bacaltos ug ni Bokal Edsel Galeos. (GMR) (BANATNEWS)
- Latest