Si Police Col. Gemma Cruz-Vinluan, City Director sa Cebu City Police Office nga nahinabi sa mga tigbalita mibutyag nga gipasaka na nila ang kaso batok sa upat ka mga tinun-ang giingong mga minor de edad.
File
Mga tinun-an sa viral video nga nihinol sa dalagita gikasohan
Rowena D. Capistrano (Banat) - September 24, 2019 - 12:00am

CEBU, Philippines —  Kasong rape, act of lasciviousness ug anti-photo voyeurism act, ang atubangon sa upat ka mga minor de edad nga naa sa nag-viral nga video sa Facebook samtang ilang gihuboan ug gihinol ang usa ka dalagita nga walay panimuot sud sa usa ka sakyanan, gituohang hubog ang biktima.

Si Police Col. Gemma Cruz-Vinluan, City Director sa Cebu City Police Office nga nahinabi sa mga tigbalita mibutyag nga gipasaka na nila ang kaso batok sa upat ka mga tinun-ang giingong mga minor de edad.

Ang biktima nakahatag na og complaint affidavit ug napaubos na usab kini sa medical examination ug trauma assessment nga gamitong kabahin sa ebidensya batok sa mga suspek.

Mapasalamaton siya sa usa ka ginikanan nga boluntaryong mitahan sa ilang anak nga apil sa mga sinumbong. Gihulagway niyang usa kini ka maayong sanglitanan diin nakita kun unsa ka responsable sila nga mga ginikinan.

Gipaabot ni Vinluan nga mosunod sab ang ubang ginikanan nga mokooperar sa gihimong imbestigasyon.

Ang direktor nitug-an dili lamang sa sud sa sakyanan gipasipad-an ang biktima tungod kay gituohan nilang gidala kini sa usa ka lodge ug didto giamung-amongan. Nailhan na sab kun kinsa sa mga suspek ang nilugos sa dalagita.

Ang usa sa mga suspek nga boluntaryong gi-turnover sa ginikanan anaa na karon sa kustodiya sa DSWD.

Sa laing hitabo, gidakop sa kapolisan diha sa Barangay Kamputhaw ang usa ka 24-anyos nga lalaking gipasanginlang nisuway paglugos og 8-anyos nga bata niadtong Sabado sa gabii.

 Nasikop niadtong Domingo si Carl Capizeño, 24, taga Plaza Housing, Barangay Busay ning dakbayan.

 Ang amahan sa biktima nidangop sa kapulisan ug misumbong nga niadtong Sabado sa gabii samtang nagtan-aw iyang anak sa balay sa suspetsado, gidala ni Capizeño ang bata duol sa sapa ug giingnan nga dili magsaba kay adunay polis ug dihadiha gihuboan niini ang biktima. Apan mikaratel og dagan ang bata ug nisumbong sa ginikanan.

Matud pa ni Police Major Eduard Sanchez ang inahan sa suspetsado, boluntaryo nga nitahan ang iyang anak kinsa kasohan og Acts of Lasciviousness in relation to RA 7610 kon Child Abuse. (IBM) (BANATNEWS)

RAPE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with