Mga scene sa TV series sa Netflix i-shooting sa Sugbo
CEBU, Philippines — Usa ka Television (TV) series nga ipasalida sa Netflix ang gikatakdang sa Sugbo ipahigayong ang shooting. Ang Electric Entertainment nagplano nga sa Sugbo ipahigayon ang shooting sa mga scene sa unang episode sa TV series nga “Almost Paradise”
“The show will be on a high end resort in Mactan but it will also travel to neighboring place hopefully to highlight the province. It’s like a travelogue. It’s like an extended commercial for Cebu Province”, matud ni Gobernador Gwendolyn Garcia kinsa nagtuo nga makatabang ang maong series sa pag-promote sa Sugbo.
Pipila ka personnel sa Electric Entertainment giubanan kini ni Cory Vedanes, chief operating officer sa ABS-CBN nga nibisita kang Garcia diha sa iyang buhatan sa Kapitolyo alang sa pagpahibalo sa maong proyekto.
Ang maong shooting giingong molungtad kini hangtud sa buwan sa Marso sa sunod tuig.
Aron mas mahatagan pa og higayon nga makita sa mga producer sa maong TV series ang Sugbo giimbitar ni Garcia ang mga personnel niini nga moapil sa Suroy-Suroy Sugbo karong ikatulo nga semana sa buwan sa Nobiyembre.
Ang producer sa maong TV series mao usab ang nag-produce ug nisulat sa Start Gate, Independence Day, The Patriot ug uban pa. (/BDB)(BANATNEWS)
- Latest