Hazard reduction plan sa Tinaan nagpadayon
Decemay P. Padilla (Banat) - September 21, 2019 - 12:00am

CEBU, Philippines — Subay sa pagtimaan sa usa ka tuig nga anibersaryo sa halapad nga landslide nga miigo sa Barangay Tinaan, Siyudad sa Naga ang Mines and Geosciences Bureau (MGB)-7 nihulagway nga malamposon ang pagpatuman og hazard reduction plan sa dapit taliwa sa langan nga pagpatuman niini. Kini ang gibutyag ni Engineer Armando Malicse, pangulo sa Mine Safety, Environment and Social Development Division sa MBG-7 human nga duna nay mga nakompleto sa pagtrabaho sa hazard reduction plan ilabi na ang phase 1 niini. Gilangkuban kini sa pagtukod og Sindulan safety wall, pag-estabilize sa Pangdan River slope, pag-instolar og drainage system sa dapit ug ang paghawan sa mga debris ug restoration sa river channel.

Duna pa hinuoy mga components sa phase 1 ang wala pa mahuman samtang nagpadayon usab ang pagtrabaho sa Phase II sa proyekto.

Giklaro ni Malicse nga ang Apo Land Quarry Corp. (ALQC) ang nigasto sa pagpatuman sa hazard reduction plan diin dul-an sa P70 milyones ang ilang nagasto alang niini.

Nunot niini, gihandum sa mga kabanay sa mga nakalas sa landslide ang unang tuig sa pagtumaw sa trahediya kagahapong adlawa.

Lakip sa niduyog sa ilang paghandum sa panghitabo mao ang local nga kagamhanan nga gipangulohan ni Acting Mayor Kristine Vannessa Chiong.

Gibuksan ang kalihukan pinaagi sa Santos nga Misa diha sa City Hall sa Dakbayan ug adunay paghalad og buwak diha sa ground zero. Samtang si Gobernador Gwendolyn Garcia nitunol kagahapon sa P3 milyones nga hinabang gikan sa Kapitolyo ngadto sa mga biktima sa landslide.

Duha ka tseke diin usa niini nagkantidad og P1 milyon nga unang gisaad niaging administrasyon ug P2milyones nga dugang sa Kapitolyo ang gitunol ni Gacia kang Chiong.

Ang maong hinabang gamiton drainage project ug site development alang sa mga biktima.  (Gabriel C. Bonjoc ug Le Phyllis F. Antojado/BDB)(BANATNEWS)

 

HAZARD REDUCTION
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with