Matud ni Garcia nga buot usab niya nga mahibalo asa ang mas delikado ang haze o ang kahugaw sa hangin sa usa ka dapit sa Dakbayan sa Naga diin nahimutang ang plantasyon sa usa ka kompaniya sa semento nga gikatahong ang abog sa planta nisagol sa hangin.
Garcia: Asa ang delikado haze o hangin sa dapit sa Naga?
Le Phyllis F. Antojado (Banat) - September 21, 2019 - 12:00am

CEBU, Philippines — Si Gobernador Gwendolyn Garcia buot makig-estorya sa Environmental Management Bureau (EMB) kalabot sa haze nga nasinati karon sa Sugbo.

Matud ni Garcia nga buot usab niya nga mahibalo asa ang mas delikado ang haze o ang kahugaw sa hangin sa usa ka dapit sa Dakbayan sa Naga diin nahimutang ang plantasyon sa usa ka kompaniya sa semento nga gikatahong ang abog sa planta nisagol sa hangin.

Sayo pa, si Garcia nakigtigom sa mga opisyal sa maong kompaniya ug sa EMB diin gipresentar sa kompaniya ang monitoring nga gihimo sa maong dapit.

Matud usab ni Garcia nga pinaagi sa monitoring device online masusi ang air quality o emission apan giingong bisan ang mga technical personnel sa kompaniya dili kahatag og maayong eksplinasyon sa record niini.

“And true enough there were questions I have to raise like for example sa SO² mag- zero-zero but every 23 hours zero-zero pero pag-abot sa 24th hour mosaka to18q unya zero-zero na pod... so I said why there is irregularity. They could not explain”, ni Garcia pa.

Si Garcia nagkanayon nga kinahanglang adunay pag-analyze sa data nga gihatag sa monitoring device apan wala kini mahatagi og eksplinasyon ngadto kaniya. 

Sa laing bahin, gimandoan ni Cebu City Health Officer Daisy Villa ang publiko nga mogamit og N95 mask aron malikay sa sakit sama sa sip-on ug ubo ug laing respiratory illnesses tungod sa haze gikan sa Indonesia. Matud ni Villa nga kinahanglan usab nga motumar og  vitamin C ug bisan unsa nga liquid ang publiko aron dili daling mataptan og sakit.

“So if labi na you have an allergy, mas dali apektahan maong mo attack ang bronchial asthma ug ma-pneumonia ka especially inhalations.

Especially mga bata sa schools, we encourage nga not only sa school nga maggamit gyud ta og mask, mag-hand washing pod kay para limpiyo ang kamot”, mutud ni Villa. (Jean Marvette A. Demecillo/BDB)(BANATNEWS)

GARCIA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with