Porter sa pantalan patay sa rampa sa barko
Rowena D. Capistrano (Banat) - September 21, 2019 - 12:00am

CEBU, Philippines — Patay ang usa ka porter human kini nadat-ugan sa rampa sa usa ka roll-on-roll off nga barko diha sa Santa Fe Port sa lungsod sa Santa Fe kagahapon sa buntag.

Ang nakalas naila nga si Joel Rayco, residente sa maong lugar. Matud pa ni Patrolman Jhonald Estay, Desk Officer sa Santa Fe Police Station base sa inisyal nga imbestigasyon padulong modunggo ang ro-ro.

Giingong nisugat ang biktima kay nagtuo kini nga mapatong na ang rampa sa pantalan apan nadakin-as kini ug mao sab ang pagtugpa sa maong rampa hinungdan nga kini maoy naigo ug naipit niini ug sa sementadong pantalan.

Sumala pa ni Estay ang ubang mga porters ug ubang nakakita nagsige og singgit sa operator sa crane sa rampa nga ipasaka kini og balik apan hinay kaayo ang pagsaka niini tungod sa gibug-aton hinungdan nga napiit gyud ang tiyan ni Rayco.

Namatay ang biktima tungod sa pagkaduot sa rampa. Padayon karon ang kapolisan sa ilang imbestigasyon kun kinsa ang manubag niini.

Si Estay miingon nga daan nang gipasidan-an ang mga porters nga dili gayud mosugat sa mga ro-ro hangtod dili ma-cleared ang maong barko.

Nasayran nga mao na kini ang naandan sa mga kargador diha sa pantalan matag dunay modunggo nga barko tungod kay makig-ilog sa uban aron makauna og karga sa bagahe sa mga pasahero nga maoy ilang panginabuhian. (/IBM)(BANATNEWS)

DEAD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with