Mga abogado nigahin og usa ka minutong pag-ampo

CEBU, Philippines – Usa ka minuto nga pag-ampo gihalad sa Integrated Bar of the Philippines (IBP)- Cebu Chapter  pagka-alas 12:00 sa udto kagahapon isip kabahin sa law week activity tibuok nasud.

Ang maong hiniusa nga pag-ampo alang sa mga abogado, huwes, litigants, prosecutor ug uban pa nga anaa sa justice systems nga gipamatay aron sila mahatagan og kalinaw ug makabaton ug hustisya.

Si Atty. Karl Arriola, usa sa mga batan-on nga abogado sa Dakbayan sa Sugbo nagkanayon nga tungod sa iyang commitment sa oras diin ipahigayon ang usa ka minuto nga pag-ampo nihimo siya niini una sa gikatakda nga oras.

Daghan sa mga abogado, huwes ug uban pa ang nihunong sa ilang busy nga mga kalihukan alang sa pagpahigayon sa maong usa ka minuto nga pag-ampo. (Rowena D. Capistrano/BDB)

Senior citizen sa Talisay nakadawat na og hinabang

Mga senior citizen sa Dakbayan sa Talisay nakadawat na sa ikatulong hugna sa ilang pinansiyal nga hinabang.

Ang pagpanghatag og hinabang sa senior citizen gipaubos kini sa clustering sa mga barangay aron dili sili magdasok.

Ang matag usa ka senior citizen makadawat og P1,500 matag quarter o P6 mil sa tibuok tuig.

Kadtong mga senior citizen kinsa dili na makahimo sa paglakaw ihatud ang ilang hinabang diha sa ilang balay.

Samtang ang dili makadawat sa ilang hinabang hangtud karong adlawa mahimo nila kining makuha diha sa Office of the Senior Citizens Affair (OSCA).

Si Zosimo Espinosa, 80-anyos nipadayag sa iyang kalipay sa ilang nadawat nga hinabang apan nanghinaot kini nga unta mapatas-an pa ang ilang madawat nga hinabang.

Sa buwan sa Disyembre karong tuiga lain na usab nga hinabang ang madawat sa mga senior citizen. (/BDB)(BANAT NEWS)