‘Haze’ magpabilin pa gihapon
Decemay P. Padilla (Banat) - September 20, 2019 - 12:00am

CEBU, Philippines – Base sa 24-0hours monitoring sa Environmental Management Bureau 7 nga gisugdan niadtong Miyerkules sa hapon hangtud kagahapon sa buntag, dunay mga oras sa adlaw nga ang guideline value sa Particulate Matter 2.5 nisaka niining nagpadayon nga nasinati nga haze.

Gikompirmar sa EMB-7 nga dunay haze sa Sugbo tungod sa nahitabong forest fire sa Indonesia ug gani duna sila’y mga stations sa Dakbayan sa Talisay ug Mandaue, Lungsod sa Cordova ug I.T. Park sa Dakbayan sa Sugbo aron gyud pag-monitor niini.

sa pangulo sa Environmental Monitoring and Enforcement Division sa EMB-7, Engr. Cindy Ochea, nga sa 24 oras nila nga monitoring, nakita nila ang pag-usab-usab sa sitwasyon.

Pasabot niini nga may oras sa usa ka adlaw nga nisaka ang guideline value sa PM 2.5 diin naobserbahan nila kini sa alas 5 sa hapon hangtud sa alas 9 sa gabii ug mobalik sab kini pagsaka sa alas 5 sa kaadlawon hangtud sa alas 9 sa buntag.

Nunot niini niawhag si Ochea sa katawhan nga mopatuman og precautionary measures sama sa dili paggawas sa balay, pagsige og inom og tubig, dili una mag-jogging o mag-exercise sa gawas tungod kay kung active ang lawas mas mo-absorb ang pollutants sa lawas ug dili sab kalimtan ang mask.

Gipasabot ni Ochea nga sa maong mga oras mosaka ang guideline value sa PM 2.5 diin ang standard niini naa lang sa 50 tungod sa maong mga oras makasinati og kausaban sa temperatura.

Nanghinaut ang EMB-7 nga mouwan tungod kay makatabang kini aron maminusan ang concentration sa pollutants apan giklaro ni Ochea nga sama sa nahitabo niadtong 2015 diin nakasinati sab og haze ang Sugbo, dili madeterminar kun unsa ka dugay magpabilin ang haze o mas mo-concentrated pa ba kini kay base sa mapa, ang direksiyon sa haze kun mokusog pa gyud ang hanging Habagat mas mohapak sa dinhi ang pollutants nga gikan sa ubang kanasuran nga gitawag nila og transboundary pollutants.

Panawagan ni Ochea sa publiko nga magmabinantayon ug nihangyo sab sila og pagsabot nga mopatuman gyud og precautionary measures ilabi na ang sensitive groups.

Susihon sab ang social media account sa EMB-7 tungod kay magpagawas sila og updates matag karon ug unya. (/GMR)(BANAT NEWS)

 

GIHAPON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with