Nakagawas tungod sa GCTA nagpadala og feeler
CEBU, Philippines – Usa ka binilanggo nga gibuhian gumikan sa Good Conduct Time Allowance (GCTA) ang nagpabatyag nga motahan sa kaugalingon sa kapolisan sa Dakbayan sa Talisay. Kini maoy gitug-an ni Police Major Orlando Carag, Jr., hepe sa Talisay City Police Station.
Matud ni Carag nga ang usa ka convict nga dunay kasong murder nga taga Barangay Manipis sa maong siyudad nga nakagawas tungod sa GCTA ang nagpadala og feeler diha sa iyang buhatan tungod kay buot kining mosurender.
Base sa taho nga si Presidente Rodrigo Duterte nihatag og 15 ka adlaw nga tagal sa mga nakabuhi nga motahan sa dili pa sila pangitaon sa mga otoridad.
Ang maong tagal nga gihatag ni Duterte gikatakdang matapos sa sunod semana.
Nagkanayon si Carag nga igo lang sila nga motuman sa mando sa presidente sa angay nga buhaton. Dugang ni Carag nga bukas ang ilang buhatan sa tanang mga convict nga buot nga mosurender. (/BDB)(BANAT NEWS)
- Latest
