21-anyos paubos dili pabaligyaan og liquor

CEBU, Philippines – Ang kagamhanan sa Dakbayan sa Sugbo nipahimangno sa mga bar ug ubang establisamento nga CEBU, Philippines – dili mopasulod ug mobaligya ngadto sa mga batan-on nga nagpanuigon og 21-anyos paubos.

Si Mayor Edgardo Labella nagkanayon nga hugot nilang ipatuman ngadto sa mga tag-iya og bar ug establisamento nga mamaligya og ilimnong makahubog sa Dakbayan sa Sugbo ang maong awhag. Ang maong awhag ni Labella nitumaw human sa video footage nga nikatap diha sa social media nga nagpakita sa lima ka lalaki nga giingong nimolestiya sa usa ka 16-anyos nga babaye diha sulod sa usa ka sakyanan.

Si Labella nagkanayon nga dili ihunong sa Cebu City Police Office (CCPO) ang ilang pagpangita ug pag-ila sa mga lalaki nga nakita sa maong viral video. Si Labella nasagmuyo sa maong hitabo ug matud niini nga hingusgan pa niya ang iyang kampaniya batok sa ilegal nga drugas tungod kay kini ang iyang gitan-aw nga maoy  hinungdan sa insidente. Matud ni Labella nga posibleng “high” o ubos sa impluwensiya sa ginadiling drugas ang mga batan-ong lalaki tungod sa gipakita niining dili maayong buhat.

Giawhag usab ni Labella ang mga tulunghaan sa pag-monitor sa kalihukan sa ilang mga estudyante.

Dugang ni Labella nga iyang ipasusi sa kapolisan kon hugot bang gipatuman sa mga bar ug mga establisamento nga namaligya og ilimnong makahubog ang maong niyang awhag. (/BDB)(BANAT NEWS)