Labella gustong makig-alayon kang Gullas sa Bulacao River
Jean Marvette Demecillo (Banat) - September 17, 2019 - 12:00am

CEBU, Philippines —  Human sa paglimpyo sa Mahiga Creek uban sa Mandaue City, gusto usab karon ni Cebu City Mayor Edgardo Labella nga makig-alayon kang Talisay City Mayor Gerald Anthony Gullas, Jr. aron sunod nga malimpyohan ang Bulacao River sa dili pa matapos ang bulan.

Niadtong Sabado dungan nga gilimpyohan sa Cebu City ug Mandaue City ang Mahiga Creek nga parehong naa sa utlanan sa duha ka siyudad ug nakakolekta sila og 70 ka toneladang basura.

Nagkanayon si Labella nga ang pasiunang iskedyul alang sa paglimpyo sa Bulacao River nga nag-uwang usab sa Dakbayan sa Sugbo ug Talisay himuon karong Septiyembre 28.

Nagtinguha si Labella nga mabuhi og balik ang maong mga sapa ug uban pang mga gagmay’ng sapa sa siyudad ilabi na nga ang uban niini duna pay nakitang mga isda sama sa Mahiga Creek.

Matud pa nakita kini tulo hangtod upat ka oras human kini nalimpyohan gikan sa mga basura.

Aron mapadayon ang kalimpyo sa Mahiga gimandoan ni Labella ang mga opisyales sa Barangay Mabolo nga monitoron ang kalimpyo niini ug hugtan gyud nga di kini malabayan og basura pag-usab, kun kinahanglan, sila gyud maoy mangunay paglimpyo niini.

Gimandoan usab sa mayor si Cebu City Environment and Natural Resources Office Head Atty. John Jigo Dacua nga ilista ang tanang tagbalay nga nagpuyo kilid sa mga sapa ug kadtong way mga pansayan.

Si Dacua sa interbyu miingon nga dunay grupo sa ilang buhatan nga gitahasan pag-monitor sa mga kasapaan sa siyudad apil na ang Guadalupe River.

Isyuhan og citation tickets kadtong makalapas sa environmental laws apil na kadtong way mga pansayan. (IBM) (BANATNEWS)

EDGARDO LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with