Ang registration gisugdan niadtong Agosto 1 ug matapos kini karong Septiyembre 30, Lunes hangtud Sabado ug bisan holidays abli ang opisina sa Comelec.
File
Comelec nagpahinumdum sa deadline sa rehistro
Decemay P. Padilla (Banat) - September 17, 2019 - 12:00am

CEBU, Philippines —  Nanawagan ang Commission on Elections-Cebu City sa wala pa nakaparehistro nga moadto sa ilang buhatan ilabi na nga pila nalang ka semana ang nahabilin sa pagtapos sa pagpangrehistro.

Ang registration gisugdan niadtong Agosto 1 ug matapos kini karong Septiyembre 30, Lunes hangtud Sabado ug bisan holidays abli ang opisina sa Comelec.

Matud ni Election Assistant Omar Sharif Mamalinta nga gikan sa Agosto 1 hangtud sa Septiyembre 14 niadtong Sabado niabot sa 26,434 ang kinatibuk-ang aplikante nga narehistro diin 10,879 niini gikan sa North District samtang 15,555 sa South District sa Cebu City.

Asoy ni Mamalinta nga base sa ilang kasinatian kun padulong na ang deadline mao pa modagsa ang mga tawo nga gustong magparehistro maong dunay gihimo nga mga lakang ang Comelec aron ang tanan modagsa sa ilang buhatan maakomodar.

“We make sure nga organize ang atoang flow sa pag-register duna tay different steps nga atong i-follow for as long as maka-assist ta sa pag-fill out sa ilang form in different types of application so wala’y problema mao ra gyud na tan-aw nato pinaka lisud nga part sa pag-fill out sa form,” matud ni Mamalinta.

Aron gyud paghatag og higayon sa katawhan nga makaparehistro, ang Comelec dunay mga satellite registration nga himoon.

Sa North District karong Sabado dunay satellite voter’s registration nga mahitabo sa Barangay Cogon Ramos, duna sab sa Barangay Sambag 1 ug isunod dayon ang ubang request gikan sa nagkalain-laing barangay.

“Importante ang satellite voter’s registration kay mas modako pud ang atoang voter’s registration turn out like katong mga kasikbit nga mga barangay nga duol sa ni-request for satellite registration ato pud silang ma-accommodate para magpa-register so no need to come here in the office adto nalang dapita sa asa nato ipahigayon ang satellite registration,” matud ni Mamalinta.

Panawagan sa Comelec sa tanan nga wala pa nakarehistro sama sa new applicants, application for transfer, reactivation ug magpa-correct sa data sa voter’s registration record nga mentras sayo pa moadto na sa buhatan sa Comelec aron pag-apply ug aron sab maka-exercise sa katungod sa umaabot nga eleksiyon. (GMR) (BANATNEWS)

COMELEC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with