Ang nasikop naila nga si Marichu Echivarre, alyas Marichu, 42, residente sa maong lugar ug naila nga regional level High Value Target.
File
Ginang namaligya shabu sa sam-ang nadakpan
Rowena Capistrano, Romeo T. Limpangog (Banat) - September 17, 2019 - 12:00am

CEBU, Philippines —  Mokabat P680mil nga balor sa drugas ang nasakmit gikan sa usa ka high value target nga ginang sa may Carreta Cemetery, Barangay Carreta ning Dakbayan sa Sugbo niadtong Domingo sa kaadlawon.

Ang nasikop naila nga si Marichu Echivarre, alyas Marichu, 42, residente sa maong lugar ug naila nga regional level High Value Target.

Nangulo sa maong operasyon si Police Major Randy Caballes, pangulo sa City Intelligence Branch uban sa pakig-alayon sa mga sakop sa PDEA-7.

Nasakmit gikan sa dinakpan ang mga nagdakaiyang putos sa gituohan nga ginadiling drugas nga motimbang og 100 gramos ug buy-bust money ug sudlanan sa ginadili nga drugas. Sa laing anti-drug operation, napulo ka mga gipasanginlang drug pushers gikan sa nagkalain-laing barangay sa Dakbayan sa Lapu-Lapu ug kapolisan sa Dakbayan sa Danao ang nangadakpan.

Ang mga sakop sa City Intelligence  Branch (CIB)  sa Lapu-Lapu  City Police Office nipahigayon og buy-bust operation sa mga Barangay  sa Pusok,  Pajo, Basak ug  Barangay  Agus. Si  Police  Captain  Percival   Miasco sa iyang taho ngadto kang Police Major   Jaime  Tolentino sa CIB  sa LLCPO ang mga nadakpan mao silangJay Eric  Catadman, 40; Remy   Ybañez,  28 ; Jojet  Cabiso, 26;Rommel Guc-ong , 23, si Alco Delumbar,31; Raymond Revilla, 31;Anecito Dela Torre, 31;  Edgardo  Pineda,  39.

Ang mga sakop sa Police Station 1 sa Mandaue  City  Police  Office  (MCPO)  nga gipangulohan ni Police Major Ramil Morpos sa nakadakop sab og mga motoristang nagdala og gidudahang shabu atol sa ilang checkpoint diha sa dalan A. Soriano sa maong dakbayan.

Ang nadakpan giila nga sila si Roy  Pascobello, 48; Judy  Callan, 30; Ramon Castillore,  52; Ernie Calignong; Rene  Combe, 48; ug Rodel  Mangubat, 33.

Ang mga dinakpang magatubang og kasong paglapas sa Republic Act 9165. (IBM) (BANATNEWS)

SHABU
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with