Ang magtiayon nga Samuel ug Olympia Caldeno na missing sukad pa niadtong Biyernes sa kaadlawon. Naandan nga makabalik ra gikan alas-7 hangtud alas-9 sa buntag ang magtiayon apan wala na sila makabalik.
File
Magtiayong missing napadpad sa Bohol
Rowena D. Capistrano (Banat) - September 17, 2019 - 12:00am

CEBU, Philippines —  Magtiayon nga gikatahong missing sukad pa niadtong nakalabay nga Biyernes sa miaging semana didto sa kadagatan sa Oslob gianod sa sulog ug nabangalan didto na sa kadagatan sa lungsod sa Alburquerque sa Bohol niadtong Domingo sa hapon.

Ang magtiayon nga Samuel ug Olympia Caldeno na missing sukad pa niadtong  Biyernes sa kaadlawon. Naandan nga makabalik ra gikan alas-7 hangtud alas-9 sa buntag ang magtiayon apan wala na sila makabalik.

Usa ka search and rescue operations ang  gihimo sa kapulisan, Philippine Coast Guard ug mga barangay opisyal sa Barangay Lagundi sa Oslob kung diin residente ang magtiayon.

Matud pa ni Police Corporal Rolando Boquiran, Desk Officer, sa Oslob Police Station, adunay nagpahibalo sa ilang buhatan nga nabangalan sa mga mananagat didto sa Alburquerque nga sila si Reynaldo Tagyamon, Erwin Pahayahay ug Elmer Mananquil taga Barangay East Poblacion, Alburquerque ang magtiayon.

Giingong nagpautaw-utaw sa kadagatan sakay sa ilang sakayan ang magtiayon sa dihang  naglawig sila padung sa Panglao hinungdan nga ilaha kining giduol ug gitabangan.

Ang magtiayon gidala una sa Alburquerque una giadto sa Governor Celestino Gallares Hospital sa Tagbilaran City sa Bohol.

Matud pa nga luya kaayo ang duha gumikan sa kagutom tungatunga sa dagat. Sumala pa ni Boquiran, base sa initial nilang kasayuran nga nakuha giingon nga kabati sa panahon ug kadagko sa balud maoy hinungdan wala na gayud kini sila nakadunggo pagbalik sa ilang lugar sa Oslob.

Ang mga opisyal sa barangay nakig-alayon na sa taga Alburquerque kung mahimo na ba makuha gikan sa tambalanan ang magtiayon. (IBM) (BANATNEWS)

MISSING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with