Disgrasya … Gitabangan sa mga tawo kining mga sakay sa V-Hire nga nabangga diha sa kilid sa bukid diha sa Cansumoroy, Balamban kagahapong adlawa.
Aldo Nelbert Banaynal
12 ka tawo apil mga BPO agents naangol
Iris Hazel M. Mascardo (Banat) - September 16, 2019 - 12:00am

CEBU, Philippines — Usa ka V-Hire van ang nadisgrasya diha sa gihulagway nga “hilan” nga bahin sa Barangay Cansumoroy sa Lungsod sa Balamban, mga sakay nga call center agents lakip ang tulo ka mga langyaw nangaangol kagahapong adlawa.

Ang mga nangaangol nga mga pasahero mao silang Dinesh Shetty, usa ka Indian national; Rajsi Huwaldir ug Bennish Jinerdeb, nga parehong usa ka French national; Christian Ticod; Brian Caramba; Moses Cruz; Fel Hoy; Jordan Fernandez; Marcelo Caneja; Aljude Abag; ug Shiene Rubio.

Lakip sa naangol mao ang drayber nga si Renato Pinote Arcenal, 50.

Matud pa nga gikan pa sa IT Park sa Dakbayan sa Sugbo ang grupo ug padung sa usa ka mountain trek sa lugar sa dihang nahitabo ang aksidente. Si Police Major Christian Torres, Balamban Police Station Chief sa pakighinabi sa Banat News miingon nga ‘hilan’ o ‘accident prone area’ ang maong dapit ug may lawom nga bung-aw sa kilid niini. “Kana ilang nabanggaan, actually, accident prone area man gud na. Daghan na ang na disgrasya dira kay 5 kilometers downhill, padung na gyud siya ubos tanan,” si Torres miingon. “Mostly mahurot gyud ang brakes sa kanang dili suhito, sige lang og tamak sa brakes, unya bug-at imong sakay, mao na nga mobigay gyud kasagaran ang mga brakes dira,” dugang niya.

Maayo nalang nga didto napunta sa sementadong kanal sa karsada ang van ug dili sa bung-aw matud pang Torres. Gikatahong wala mogana ang brakes sa maong van mao nga gibangga sa drayber ang van sa kilid sa bukid.

Niadtong Hunyo 2010, diha sa bung-aw sa maong dapit natagak ang usa ka tourist bus nga giluwanan sa 55 ka mga tinun-ang Iranian nationals nga gikamatay sa 21 ug ang uban grabeng nangaangol tungod sa matud pa sipyat sa drayber pagmaniobra sa hagip-ot nga Trancentral Highway. “Tungod lagi sa design sa kalsada. Ato gyung gihangyo) nga as much as possible dili gyud magpakusog og padagan. i-observe ang 40 kph nga dagan para dili mag over speeding,” si Torres mipahimangno sa mga drayber nga motadlas sa maong dapit.

Si Torres nagpaabot pa sa mga biktima sa pagpasaka og reklamo. Sumala pa niya mahimong mapasakaan og kasong reckless imprudence resulting to multiple physical injury and damage to property ang drayber ug ang operator niini. Dugang pahimangno niya sa mga motorista nga kun depektoso ang sakyanan mas maayong dili na mobiyahe ug dili sab magpalabi og karga og daghang pasahero. (/IBM)(BANATNEWS)

ACCIDENT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with