Mga baboy, karneng baboy gikan Luzon idili sa Cebu City
Sa Executive Order No. 15, gidid-an usab sa mayor ang tanan nga mga restawran ug uban pang mga establisemento sa pagkaon sa pagbaligya og left over nga pagkaon ngadto sa backyard hog raisers sa syudad.
File
Mga baboy, karneng baboy gikan Luzon idili sa Cebu City
Jean Marvette Demecillo (Banat) - September 15, 2019 - 12:00am

CEBU, Philippines — Gidid-an ni Cebu City Mayor Edgardo Labella ang pagsulod ug pagdala sa mga live hogs ug mga produkto gikan sa karne sa baboy nga nagagikan sa Luzon aron mapugngan ang pagkaylap sa African Swine Fever (ASF) sa nasud.

Sa Executive Order No. 15, gidid-an usab sa mayor ang tanan nga mga restawran ug uban pang mga establisemento sa pagkaon sa pagbaligya og left over nga pagkaon ngadto sa backyard hog raisers sa syudad.

"Cebu, including Cebu City, is the fourth biggest producer of pork in the country, with an P11 billion estimated annual contribution to the country’s agriculture industry,” sigon niya.

Gipirmahan ni Labella ang executive order niadtong Biyernes.

Kahinumdoman, gikumpirma sa Department of Agriculture ang presensya sa ASF sa pipila ka mga probinsya sa Luzon, hinungdan sa pagkamatay sa mga baboy.

Matud sa mayor nga ang mga live hogs ug karneng baboy gikan sa ubang bahin sa Kabisay-an ug gikan sa Mindanao lang ang gitugotan nga makasulod sa Siyudad sa Sugbo.

Apan kinahanglang hugot nilang sundon ang mga patakaran ug may kompletong Veterinary Health Certificate, Shipping permit, ug Livestock Handlers Permit.

Tanan kini nga mga dokumento kinahanglan orihinal nga mga         kopya.

Giingon sa mayor nga ang tanan nga mga pasahero nga mosakay sa pantalan   adunay responsibilidad nga boluntaryong isalikway ang tanan nga baboy ug ang mga produkto  nga ilang dala gikan sa laing probinsya.

Kun adunay mga produkto nga dili i-surrender sa mga pasahero sa barko kinahanglang kompiskahon kini aron sunogon sa Office of the City Veterinarian.

Naghimo usab si Labella og ad hoc committee nga magbantay sa implimentasyon sa EO ug kanunay nga magbantay sa mga update sa isyu sa ASF.

Ang City Veterinarian nga si Dr. Jennifer Laurente mao ang chairman ug ang mga miyembro niini mao silang City Health Officer Daisy Villa, City Agriculturist Joelito Baclayon, Market Administrator Jonil Matuguina, Department of Social Welfare and Services Head Dr. Jeffrey Ibones, Cebu City Disaster Risk Reduction and Management Office Head Harold Alcontin, ug direktor sa Cebu City Police Office Police Colonel Gemma Vinluan o iyang representante. (IBM)(BANATNEWS)

PORK
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with