11 piniriso gi-enroll sa C-LOSAP
Decemay P. Padilla (Banat) - September 14, 2019 - 12:00am

CEBU, Philippines – Gi-enrol sa City of Lapu-Lapu Office on Substance Abuse Prevention (C-LOSAP) ang 11 ka piniriso kinsa gibuhian pinaagi sa plea bargaining agreement.

Si Garry Lao nga maoy C-LOSAP executive director ug special assistant to the mayor on anti-drugs and substances abuses sa iyang pamahayag niingon nga ang mga persons deprived of liberty (PDL) nga gibuhian may mando gikan sa korte subay sa simplified plea-bargaining framework sa kagamhanan.

Ang maong pamaagi nagtugot sa mga akusado ug prosekutor sa pagresolbar sa kaso diin sa higayon nga angkonon sa akusado ang salaud ilabi na sa kaso sa ilegal nga drugas mahimong mapaubsan ang sentensiya subay sa pag-uyon sa korte.

Matud ni Lao nga ang kagamhanan sa Dakbayan sa Lapu-Lapu nagpasiugda og office-based rehabilitation program sa mga dili kaayo risgo nga mga drug users ug drug dependents aron mapaubos sa detoxification program sa Department of Health. (Romeo T. Limpangog/GMR)

Boluntaryo ang wala pagbiyahe sa ubang barko

Nunot sa bagyong Marilyn, boluntaryong nigaid sa ilang mga barko ang pipila ka shipping company nga may biyahe gikan sa Sugbo paingon sa Ormoc ug Bohol.

Matud sa tigpamaba sa Philippine Coast Guard-7, Lt. Junior Grade Michael Encina, nga wala silay giluwatan nga notice apan ang mga kapitan mismo sa barko ang nipugong sa pagbiyahe.

Ang naisyuhan lang og notice to mariners mao ang mga barko nga ubos sa 250 gross tonnage sa mga lugar nga dunay gale warning sama sa Samar, Leyte, Southern Bohol ug Siquijor.

Hinoon walay na-stranded nga mga pasahero sa pantalan nunot sa wala pagbiyahe sa pipila ka barko tungod kay sayo kini napahibawo. (/GMR)(BANAT NEWS)

 

C-LOSAP
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with