Baho nga baha gisulbad na
Decemay P. Padilla (Banat) - September 14, 2019 - 12:00am

CEBU, Philippines – Napangitaan na og temporaryong solusyon ang problema sa mga residente sa 2nd Street, Sunrise Village, Barangay Poblacion Pardo, Dakbayan sa Sugbo.

Giingong tuig na nga nasinati sa mga residente sa maong lugar ang problema mahitungod sa nagpundo nga tubig nga grabeng kabaho ug kahugaw nga nakapabalaka nga sila mangasakit.

Naglisud sab ang mga residente sa pag-agi diin gamitan nila og bote aron makalabang.

Si Cebu City Mayor Edgardo Labella nimando dayun sa City Engineering Department nga ipasuyop ang tubig og ekipo nga gihimo dayun kagahapon.

“Malipayon ko nga mao ni nahitabo kay taud-taud gyud mi nag-antus kung wa gyuy aksyon ang City Hall. Ang panghinaut lang namo nga long-term solution nga drainage gyud nga dili na mabalik ba kay kini mura’g band aid solution so pang-long term unta gyud manghinaut mi pinaagi sa tabang ni Mayor Labella,” matud ni Leonardo Viñas, residente sa lugar.

Matud ni Engr. Guillermo Viola, pangulo sa drainage planning sa Department of Engineering and Public Works (DEPW), nga ang solusyon gyud sa maong problema mao nga buhatan kini og kaugalingong drainage.

“Sa pagkakaron mangita ta og bag-ong dan kay obviously private man ang giagian niya mura’g dili man sila ganahan moagi mao nga na-closed, ila man ning gi-close actually sa luyo. Samtang naa na tay nakit-an nga prospect actually naay duha ka agianan pero pulos gihapon na mo-cross sa private, wa man gyuy laing kaagian mo-cross man gyud siya og private. Buhatan gyud siya og kaugalingong drainage line gikan pa lang didto sa highway dakpon na siya daan di na siya pasudlon diri,” sigun ni Engr. Viola.

Ang mga residente sa lugar nitabang sab sa mga sakop sa City Engineering kay buot nila nga mahatagan gyud og solusyon ang dugay na nilang giatubang nga problema. (/GMR)(BANAT NEWS)

 

GISULBAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with