Chinese firm niangkon lisensiyado sa PAGCOR
CEBU, Philippines – Giklaro sa mga abogado sa Xin Huang Jin Cheng Corporation nga lehitimo ang ilang operasyon ug lisensiyado sa Philippine Amusement and Gaming Corporation isip Philippine Offshore Gaming Operators (POGO). Matud ni Atty. Manuel Jeffrey David nga ang kompanya dili direkta nga nagsugal apan nagserbisyo isip business process outsourcing.
Samtang si Police Regional Office 7 Director Debold Sinas nipasabot nga dihang gironda sa Criminal Investigation and Detection Group 7 ang kompaniya, permit sa BPO lang ang gipakita nga sukwahi sa ilang operasyon nga usa ka online gambling.
Nunot niini si Sinas nagkanayon nga bahala na ang piskaliya nga modesider sa kaso sanglit anaa na kini sa maong buhatan.
“Supposed to be pag online gaming walay local na makataya, eh nakataya sila eh, that is their ground to apply the search warrant,” pasabot ni Sinas.
Si CIDG-7 chief, Police Colonel Lito Patay, nitataw nga ang ilang operasyon pagsuporta sa mando ni Presidente Duterte nga nagtugot sa POGO sa nasud sanglit 10 porsyento padung man sa gobiyerno.
“Gi-operate namo ni, during the surveillance wala ni silay permit nga POGO. And they acted as POGO,” giklaro ni Patay.
Dugang ni Patay nga mas maayo nga aduna silay permit aron makabayad sila sa saktong buhis. (/GMR)(BANAT NEWS)
- Latest
