Sigun ni DA-7 Regional Executive Director, Atty. Salvador Diputado, nga sa mga nilabay nga semana sa wala pa makompirmar nga dunay ASF sa Rizal ug Bulacan gipatuman na nila ang bio-security protocol sa Cebu, Bohol, Siqujor ug Negros Orienta
AFP
DA: Central Visayas ASF-free
Decemay P. Padilla (Banat) - September 11, 2019 - 12:00am

CEBU, Philippines – Gipasalig sa Department of Agriculture 7 nga African Swine Fever-Free gihapon ang Central Visayas human ang DA Manila nikompirmar nga 14 ka baboy sa Rizal Province ang nagpositibo   sa    sakit.

Sigun ni DA-7 Regional Executive Director, Atty. Salvador Diputado, nga sa mga nilabay nga semana sa wala pa makompirmar nga dunay ASF sa Rizal ug Bulacan gipatuman na nila ang bio-security protocol sa Cebu, Bohol, Siqujor ug Negros Oriental.

Gipahugtan na daan ang quarantine measures sa Central Visayas aron ma-control, ma-contain ug mapugngan ang pagsulod sa baboy o pork processed products gikan sa mga nasud nga duna na ASF.

“Dinhi sa Central Visayas wala pa tay ASF reported incidents mao nga dili ta mag-panic, dili ta ma-alarma, kaon lang ta sa atong naandan nga pagkaon unya kung dunay makit-an gani nga mga panghitabo sa atong kasilinganan nga magduda ta i-report gyud na dayon nato dili nato huwaton nga moboluntaryo pa na sila kay kasagaran ning atong raiser dinhi mga siaw sad tago-tagoan dili nila ipahibawo,” dugang ni Diputado.

Apan bisan paman niini, gihimug-atan ni Diputado sa mga namuhi og baboy nga importante ang kalimpyo ug sanitation ug importante sab nga mahibawo ang mga backyard ug commercial raisers nga dili maayo magpakaon sa mga baboy og karne nga lamaw.

“Mao nay gitawag nga swell-feed, lamaw, mao nay gipakaon didto sa mga hayupan didto sa Bulacan ug Rizal kadtong mga napan-os na bitaw nga mga pagkaon mao nay gipakaon nila sa mga hayupan nila didto, didto na namatikdan dayon nga dinhay mga sakit, eventually na-confirm nga ASF diay so atong giawhag atong mga raiser dinhi nga kung mahimo kung naa tay pagkaon diri dili na pakan-on sa bahaw nga mga pagkaon especially nga mga baboy og mahimo kanang mga presko nga mga pagkaon o kanang niluto nga mga pagkaon,” asoy ni Diputado.

Ang baboy nga dunay ASF kinahanglang patyon, ilubong ug sunugon ug dili gyud kini pwede kan-on tungod kay ang makakaon niini mahimong carrier sa maong sakit. (/GMR)(BANAT NEWS)

AFRICAN SWINE FEVER-FREE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with