Kapistahan ni Sta. Teresa de Avila sa Talisay gipangandaman na
Gabriel C. Bonjoc (Banat) - September 4, 2019 - 12:00am

CEBU, Philippines – Si Talisay City Mayor Gerald Anthony “Samsam” Gullas, Jr. nisaad nga ipabongga niya ang pagsaulog sa kapistahan ni Sta. Teresa De Avila karong Oktubre 15, 2019.

Ang pasiuna nga kalingawan nga gipahigayon alang sa mga Talisaynon mao ang tinuig nila nga Mayor’s Cup inter-barangay basketball tournament nga gisugdan niadtong niaging adlaw’ng Domingo.

Si Gullas maoy nagpasiugda sa tigom nga gitambongan sa mga department head ug organizing committee kinsa maoy motutok sa matag gabii nga kalingawan nga sugdan karong Oktubre 4, 2019.

Isip unang tuig ni Gullas sa pagsaulog sa kapistahan iyang gimando sa tanan nga kinahanglan nga hapsay ug makalingaw ang mga kalihukan.

Sama sa gihapon, ang magsilbing highlight sa kapistahan mao ang Halad Inasal Festival nga pagasalmotan sa pampublikong tunghaan sa dakbayan.

Laoman usab nga adunay facebook page nga mokonsulta sa matag Talisaynon sa mga gusto nilang kalingawan.

Lakip sa ilang plano mao ang pag-imbitar og banda o artista nga modugang sa  matag gabii nga kalingawan. Samtang si Edgar Mabunay, city budget officer sa siyudad nipahimangno sa organizing committee nga isayo pagsumiter ang ilang budget proposal aron paspas usab sila nga makapagawas sa pundo. (/BDB)(BANAT NEWS)

 

AVILA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with