_banat
^

Opisyales ug kawani sa Kapitolyo niyukbo kang Teban

Le Phyllis F. Antojado (Banat) - August 28, 2019 - 12:00am

CEBU, Philippines – Ang mga opisyal ug kawani sa Kapitolyo nihandom kang kanhi bokal ug konsehal sa Dakbayan sa Talisay Julian “Teban” Daan.

Alang sa mga opisyal ug empleyado sa Kapitolyo usa ka maayong tawo ug naghatag og pakatawa ug kalipay ang nitaliwan nga si Daan.

Ang patay’ng lawas ni Daan gidala kini diha sa Capitol Social Hall niadtong Lunes ug gipundo hangtud kagahapon aron paghatag sa mga kawani sa Kapitolyo og higayon nga makalantaw sa haya.

Atol sa necrological service ni Daan, si Gobernador Gwendolyn Garcia nihulagway kang Daan nga usa ka maayo ug loyal nga higala kaniya.

Ang provincial board nipasar kini og resolusyon atol sa regular session kagahapon sa hapon nga nagpadangat og pagyukbo ug pahasubo sa kamatayon ni Daan.

“It is beyond question that the late Hon. Julian “Teban”  B. Daan wholeheartedly devoted his life to the service of the Cebuanos which inspired people from all walks of life not just in Cebu but in many parts of the country, hence, his untimely was greatly felt and considered a big loss by the public in general”, tipik sa resolusyon.

Si Daan nahimo kining public official sulod sa 30 ka tuig diin una siya’ng napiling konsehal sa Barangay sa Tabunok, Dakbayan sa Talisay ug konsehal sa maong siyudad niadtong 1987.

Si Daan nahimong miyembro sa Sangguniang Panlalawigan gikan sa tuig 1995 hangtud 2004 ug  niadtong 2007 hangtud 2016 nahimo siya nga acting governor.  Niadtong tuig 2016 hangtud sa iyang pagtaliwan nagserbisyo si Daan isip konsehal sa Dakbayan sa Talisay.

Si Daan gikatakdang ilubong karong umaabot nga Sabado sa Dakbayan sa Talisay. (/BDB)(BANAT NEWS)

 

TEBAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with