5 ka motor gisakmit sa checkpoint
CEBU, Philippines — Gitanggong karon sa detention cell sa kapolisan sa Presinto 1 sa Mandaue City Police Office (LLCPO) ang 11 ka tawo nga nadakpan sa checkpoint sa A. Soriano Avenue, Barangay Centro alas 10 pasado ang takna hangtud sa alas 12 sa niaging tungang gabii.
Si Police Master Sergeant Angelo Arnaiz sa Presinto 1 sa MCPO nila sa nadakpan nga mao sila si Pablito Ortega, 45-anyos nga taga Barangay Pusok, Dakbayan sa Lapu-Lapu; Benjamin Maglacion, 31, taga Tungkop, Minglanila; Cristito Libaton Jr., 24, ug ig-agaw niini nga si Johnrow Libaton, 20, taga Lungsod sa Minglanila.
Dugang nadakpan mao sila si Charles Samson, 20-anyos, nga taga Barangay Pajo, Dakbayan sa Lapu-Lapu; John Michael Sanchez, 27, taga Capitol Site, Dakbayan sa Sugbo; Jayson Romanos, 39, taga Capitol Site, Dakbayan sa Sugbo ug Marjorie Igot, 37, taga Pajo, Dakbayan sa Lapu-Lapu. Laing mga nadakpan mao sila si Junnel Torrevillas, 46, taga Daanbantayan; Alexander Sargara, 24, ug Rabi Mancia, 23, taga San Carlos City, Negros Occidental.
Ang mga dinakpan ilang nakuhaan og 11 ka paketeng shabu ug dakung putos sa marijuana nga nagsilbing ebidensya sa kaso nga ilang ipasaka nga kalapasan sa Republic Act 9165 o ang Comprehensive Dangerous Drug Act of 2002. Matud ni Arnaiz nga ang lima ka motoriklo nga giluwanan sa mga dinakpan ang kasamtangan karon nilang gisulod sa ilang impounding area sanglit nalakip man usab kini sa mga ebidensiya sa kaso nga ilang ipasaka batok kanila. (/GMR)(BANATNEWS)
- Latest