Daghang CCTV footage way gamit
Romeo T. Limpangog (Banat) - August 26, 2019 - 12:00am

CEBU, Philippines — Nahimong walay kapuslanan ang gipahimutang nga mga close circuit television (CCTV) cameras sa mga establisemento kun dili maklaro ang recording alang sa pag-ila sa mga tawo nga naghimo og krimen.

Kini ang nasinati karon sa mga imbestigador sa Presinto 5 sa Lapu-Lapu City Police Office (LLCPO) sa usa ka internet café sa Barangay Pajac sa maong dakbayan nga gitulis ug gipusil patay ang ilang cashier attendant sa Miles  Internet Café alas 11 pasado ang sa niaging gabii.

Matud sa mga imbestigador nga ang CCTV recording nga ilang nakuha ang walay kapuslanan sanglit lisud man ang pag-ila sa panagway sa mamumuno nga nagsul-ob hooded jacket ug nagtabon pa gyud og panapton sa iyang nawong.

Si Police Staff Sergeant Marciano Verdida sa Presinto 5 sa LLCPO niingon nga kasamtangan karon nilang gipaabot nga mogawas ang pipila ka tawo nga nakasaksi sa krimen tungod kay pinaagi niini kahatagan og kasulbaran ang kamatayon sa Miles Internet Café cashier nga si Francisco Jakosalem, 25-anyos, taga Barangay Labogon, Dakbayan sa Mandaue.

Si Verdida niingon nga padulong nga manirado si Jakosalem  sa iyang gibantayan nga internet café dihang kalit lang nisulod ang wala hiilhing armadong lalaki ug kalit lang gipusil ang biktima sa tuong bahin sa ulo niini.

Human sa maong pagpusil nagdali usab sa pagsibat pahilayo ang wala mailhing mamumuno ug gidala ang kita nga salapi nga gibutang sa kaha sa biktima nga mokabat sa P7,000 nga kita niadtong adlawa.

Dugang ni Verdida nga nagtuo sila sa kapolisan nga wala mag-inusara ang mamumuno tungod sa ilang pagtuo nga adunay look out nga nagpaabot sa gawas sa maong internet café.

Nunot niini si Verdida niingon nga nagpadayon karon sila sa pagsusi sa mga CCTV camera sa mga silingang establisemento sa pamasin nga nakuha ang klaro nga mga hulagway sa mga tulisan sa dayon na nga pagsibat pahilayo sa maong dapit. (/GMR)(BANATNEWS)

CCTV
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with