DepEd giawhag mo-coordinate sa LGU sa reassignment
CEBU, Philippines — Ang Provincial School Board niawhag sa Department of Education (DepEd) nga sa dili pa mopahigayon og reassignment o appointment sa mga personnel niini sa Lalawigan sa Sugbo adunay koordinasyon ngadto sa mga Local Government Unit pinaagi sa local school board niini.
Kini human nga ang mga Mayor sa Lalawigan sa Sugbo nireklamo nga wala silay kalibutan kon kinsa ang ibutang nga personnel sa local DepEd sa ilang mga lungsod ug dakbayan.
Si Mayor Christina Garcia- Frasco sa Lungsod sa Liloan nagkanayon nga sa ilang lungsod adunay gitudlo nga district supervisor nga walay “prior consultation” sa ilang school board. “Gi-appoint-tan mi og district supervisor without prior consultation with our local school board notwithstanding the fact nga ni-issue na ang among school board og resolution to recommend another person ug ni-issue pod ang among Sangguniang Bayan og resolution to object the appointment without prior consultation”, matud ni Frasco.
Si Frasco kinsa maoy Presidente sa League of Municipalities of the Philippines (LMP) Cebu Chapter nagkanayon nga ang nahitabo sa Liloan mao usab ang nasinati sa pipila ka mayor sa lalawigan kaniadto dihang si Dr. Rhea Mar Angtud pa ang provincial school division superintendent sa probinsiya. “In 2018, ni-issue ang LMP og unanimous resolution requesting the transfer of Dr. Rhea Mar Angtud out of the division”, padayag ni Frasco.
Matud usab ni Frasco nga kong walay koordinasyon adunay mga programa sa edukasyon sa mga lungsod ang maapektohan sama sa pag-ila og mga tunghaan nga tukoran og mga classroom.
Dugang ni Frasco nga angayan nga adunay koordinasyon ang DepEd ug ang LGU hilabina nga adunay mga prgorama ug proyekto ang ahensiya sa lungsod nga ang pundo maggikan sa Speical Education Fund sa LGU. (/BDB)(BANATNEWS)
- Latest