Nasikop ang subject nga si Jovan Tajanlangit Inot, 24, residente sa maong lugar ug giilang regional level nga high-value target.
File
P1.3 milyon nga shabu nasakmit sa pasil
Decemay P. Padilla (Banat) - August 23, 2019 - 12:00am

CEBU, Philippines – Balor sa P1.3 milyones nga shabu ang nasakmit sa buy-bust operation sa sa Sitio Lawis, Pasil, Dakbayan sa Sugbo pasado alas 3 sa hapon kagahapon.

Nasikop ang subject nga si Jovan Tajanlangit Inot, 24, residente sa maong lugar ug giilang regional level nga high-value target.

Atol sa buy-bust operation nakuha sa dinakpan ang 205 gramos nga shabu.

Wala ra mosukol ang dinakpan atol sa operasyon sa mga sakop sa City Drugs Enforcement Unit, Regional Intelligence Division-7 ug Philippine Drug Enforcement Agency.

Didto sab si Cebu City Police Office Director, Police Colonel Gemma Vinluan atol sa operasyon.

Samtang nasikop ang magtiayon ug ilang kauban sa buy-bust operation sa Sitio Riverside, Cansojong, Dakbayan sa Talisay niadtong Miyerkules sa hapon.

Ang mga dinakpan mao sila si Antonio Baculao, 57, ug iyang asawa nga si Perlita Baculao, 56, kinsa lumad nga taga Hingotanan West, Bien Unido, Bohol.

Ang ilang kauban sa negosyo sa ilegal nga drugas nailhan nga si Tommy Bucag, 21, taga Upper Torre, Inayawan, Siyudad sa Sugbo.

Matud ni Police Captain Nazarino Emia, deputy chief sa Talisay City Police Station, nga nilutaw pagbalik ang pangan ni Antonio kinsa nalista na sa kapolisan nga namaligya og ilegal nga drugas kaniadto.

Si Emia nagkanayon nga hayan nakabaligya na ang suspek maong gamay ra ang ilang nakuha nga balor lang og P1,800.

Nagtingkagol sab sa prisohan ang 47-anyos nga lalaki human kini nasikop sa buy-bust operation sa may Barangay Kamputhaw, Dakbayan sa Sugbo niadtong Huwebes sa buntag.

Ang nasikop naila nga si Mark Anthony Malinao, molupyo sa maong lugar, kinsa nakuhaan og dili mominus sa dul-an sa usa ka gatus ka libo ka pesos nga balor sa drugas.

Samtang nasakmit ang armas ug ang mokabat sa P200,000 nga kantidad sa shabu gikan sa mga pusher nga nasikop sa Bankal, Dakbayan sa Lapu-Lapu.

Ang mga nasikop mao sila si Junnel Tuñacao, 33; Brian Salaom, 36; Argie Icoy, 33, kinsa nakuhaan og 6.18 gramo nga shabu ug armas nga kalibre .38 nga puno sa bala; Rommel Salaom, 36, ug Eduard Bicbic, 27, pulos taga Carreta, Dakbayan sa Sugbo.

Sa merkado sa Barangay Basak sa maong dakbayan nadakpan ang pusher nga si Rommel Gomez, 26, ug nasakmit ang mokabat sa P10,880 nga kantidad sa shabu. (Gabriel C. Bonjoc, Rowena D. Capistrano ug Romeo T. Limpangog/GMR)(BANAT NEWS)

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with