Gibalbal?...Gisusi sa mga residente kining ilang mga binuhing mga kanding diha sa gitugwayan nga pulos nangamatay ug may mga samad sa kalawasan nga gidudahan nilang gibalbal.
Hulagway iya ni Jeramae Presbetiro nga gi-post sa FB Page sa DyLA Cebu Newsbreak
Gibalbal o gitripan?
Rowena Capistrano (Banat) - August 23, 2019 - 12:00am

CEBU, Philippines – Unom ka mga binuhing kanding didto sa Sitio Ungal, Purok San Jose, Barangay Boloc-Boloc sa lungsod sa Barili gikahibudngan ang pagkamatay tungod kay giingong susama kini og gibalbal tungod sa kadaghan sa mga samad sa kalawasan.

Matud pa ni Joyce Ann De Jesus, tag-iya sa tulo ka mga kanding nga namatay nga nahinabi sa Banat News wala pa gayud sila masayud kung unsa gayud ang namatyan sa maong mga mananap.

Ang iyang mga kanding giingong nakaangkon tanan og mga samad ug gituohang nakaingon sa ilang pagkamatay. Apan dili siya makatuo nga gibugno kini og iro kay sobra ang mga samad nga naangkon sa maong mga kanding.

Dunay mga silingan nilang miingon nga ang mga samad nga naangkon sa ilang kanding daw inagian og pinaakan og balbal tungod kay susama kini og dinunggaban.

Apan nahibulong sab siya kay way rason aron pasipad-an og tawo ang iyang mga binuhi kay wala man siyay kaaway sa ilang dapit.

Labaw sa tanan, hasta ang kanding sa ilang silingan nga tulo ka buok nangamatay man sab sa susamang paagi sa nahitabo sa iyang mga binuhi.

Igo nalang pagtug-an si De Jesus sa nahitabo ngadto sa ilang kapitan bahin sa gidangatan sa mga kanding. Wala pa usab nila kini gitug-an sa kapolisan gawas lang nga gi-post sa Facebook ang mga hulagway.

Ang kanding nga nangamatay matud pa ni De Jesus ilaha nalang giihaw ug giluto sa ilang mga silingan ug gikaon.

Ang pangutana sa mga residente didto kun unsang matanga sa mananap ang nipatay sa ilang mga binuhi ug kun tawo man ang naghimo niini naglibog sila kun unsay gikasiloan niini kanila. (/IBM)(BANAT NEWS)

 

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with