^

Abogado motubag sa pangutana sa mga kapitan

Jean Marvette A. Demecillo (Banat) - August 22, 2019 - 12:00am

CEBU, Philippines — Gitudlo ni Cebu City Mayor Edgardo Labella ang duha ka abogado aron matubag ang mga pangutana sa mga barangay kapitan kabahin sa paghatud sa serbisyo publiko.

Gipili sa mayor sila si Atty. Floro Casas, Jr. kinsa maoy city administrator ug Atty. Jose Daluz III, special assistant sa mayor.

Kini human si Banilad Barangay Kapitan Dennes Tabar nihangyo nga ibalik ang gipanaktak nga mga trabahante sa barangay.

Si Tabar nga kaalyado ni kanhi mayor Tomas Osmeña niingon nga kinahanglan sila og mga tawo nga i-deputize aron motabang paagsikop sa mga tawo nga maghugaw-hugaw sa kasapaan subay sa mando sa kasamtangan nga administrasyon.

“Wala’y problema anang motabang ang mga barangay captains. Pero ang problema ang pagpanakop o ang pagbadlong. Unsaon man pagdakop sa mga barangay nga ang among mga barangay environment officers gipangtaktak man nila,” matud niya.

Laing gikabalak-an niya mao nga ang mga sakyanan sa barangay walay alokasyon sa gasolina gikan sa kagamhanan sa siyudad.

Gipasabot ni Labella nga ang susamang mga pangutana matubag na unya pinaagi nilang Casas ug Daluz. (/GMR)(BANATNEWS)

ABOGADO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with