Pinabuthang isda gisakmit
Jean Marvette A. Demecillo (Banat) - August 21, 2019 - 12:00am

CEBU, Philippines – Dili mominus sa 700 kilos nga pinabuthang isda ang nasakmti sa mga sakop sa Cebu City Bantay Dagat Commission ug Maritime Police kagahapon sa kaadlawon sa may C. Padilla Street samtang padulong kini sa Pasil Fish Market.

Matud ni CCBDC Executive Director Ariel Yburan nga ang operasyon niresulta sa pagkasakmit sa 19 ka kahon sa daghang mga isda nga nagkantidad og P280,000.

“Makita nimo sa external indications nga binuthan pareha sa hasang, magpundo ang dugo. Ang kilid wala nay himbis. Pero to be sure, atong i-open unya bungkag na ang internal organs ana,” dugang niya.

Matud niya nga positibo nga nasuta sa mga fish examiners ang gidala nga mga binuthan nga mga isda.

Gipasabot ni Yburan nga ang isda gipadala gikan sa Zamboanga City hangtud sa Siyudad sa Sugbo.

Usa ka Johnny Lee Maghanoy, drayber sa gikargahan nga trak, ang mag-atubang sa mga kaso sa kalapasan sa Philippine Fisheries Code of 1998.

Matud ni Yburan nga si Maghanoy nadakpan na sa makatulo sa pagdala og mga isda kuha sa ilegal nga paagi.

Ang hiniusang operasyon nagpugong sa usa ka trak nga adunay 97 ka kahon nga adunay 3,880 kilos nga isda.

Gipasabot ni Yburan nga 19 lang sa 97 ka kahon ang giila nga binuthan nga isda.

Ang mga binuthan nga isda gisakmit sa awtoridad samtang ang mga kahon sa dili pinabuthan ang giuli ngadto sa tag-iya. (/GMR)(BANAT NEWS)

ISDA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with