Bugas alang sa Angkas ihatag sa CCPO ug nasunogan
Jean Marvette A. Demecillo (Banat) - August 20, 2019 - 12:00am

CEBU, Philippines —  Gikwestyon sa mga sakop sa oposisyon sa konseho sa Dakbayan sa Sugbo ang paghatag og bugas ngadto sa kapolisan ug mga biktima sa sunog.

Ang maong mga bugas nga ihatag gigahin unta kini alang sa mga drayber sa habal-habal.

Sila si Konsehal Nestor Archival ug Lea Japson nagkanayon nga angayan sa city council nga mangayo og komentaryo ug rekomendasyon gikan sa City Legal Office kabahin niini tungod kay ang mga opisyal sa siyudad mamahimong pasakaan og technical malversation o ilegal nga paggamit sa pundo.

“I’m not objecting. The idea here is that if these sacks of rice intended for a project for a certain appropriation, if we are going to give it to another project which is not supposed to be in that certain activity, we might have a technical malversation”, padayag ni Archival.

Sulod na sa duha ka session ang city council nakadawat og sulat gikan kang Atty. June Maratas, hepe sa Department of General Services kinsa gimanduan nga i-release ang 50 ka sako nga bugas ngadto sa Department of Social Welfare and Services alang sa mga biktima sa sunog ug 200 ka sako nga bugas ngadto sa Cebu City Police Office.

Samtang si Japson, nagkanayon nga ang maong mga bugas gigahin kini alang sa mga drayber sa motorsiklo o habal-habal.

Si Maratas sa iyang sulat, nagkanayon nga adunay 291 ka sako nga bugas nga wala mahatag ug naa gibutang sa bodega sa South Road Properties.

Matud ni Maratas nga ang 6,000 ug 1,500 ka sako nga bugas nga gipalit sa Peace and Order Program alang kini nga ipanghatag sa mga drayber sa Angkas.

Ang mga kaalyado ni Mayor Edgardo Labella nisabot sa hangyo ni Archival ug Japson ug ni-refer sa City Legal Office. Samtang si Konsehal Eduardo Rama, Jr. nagkanayon nga ang pundo nga gigamit sa pagpalit sa maong mga bugas ubos sa peace and order program.

“It is under the peace and order. I think it encompasses fire victims and policemen”, dugang ni Rama. (BDB) (BANATNEWS)

NESTOR ARCHIVAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with