_banat
^
Mga menor de edad bawalan na magmaneho
Pinaagi sa usa ka resolution gipangamahan ni bokal Thadeo Jovito Ouano, gipaluyohan sa provincial board ang “No Minors Driving Motor Vehicles Policy” nga gi-issue sa LTO subay sa RA 4136 o ang Land Transportation and Traffic Code.
File

Mga menor de edad bawalan na magmaneho

Le Phyllis F. Antojado (Banat) - August 2, 2019 - 12:00am

CEBU, Philippines – Mga menor de edad dili na tugotang makamaneho sa kadalanan sa probinsya ilabi kadtong walay mga lisensya nunot sa mga aksidente sa kadalanan nga sagad mga batan-on ang mga nabiktima o nalambigit.

Pinaagi sa usa ka resolution gipangamahan ni bokal Thadeo Jovito Ouano, gipaluyohan sa provincial board ang “No Minors Driving Motor Vehicles Policy” nga gi-issue sa LTO subay sa RA 4136 o ang Land Transportation and Traffic Code. Sa maong resolution gisaysay nga matag tuig di moubos sa 10,000 ang mamatay tungod sa aksidente sa kadalanan diin naapil niini ang mga kabataang nag edad og 16 ngadto sa 28 anyos.

Matud pa kasagaran sa mga minor de edad nga nadisgrasya walay pagtugot nga mo drive og motor gikan sa ginikanan.

Si Ouano miingon nga dako ang papel sa ginikanan ug ingon man sa eskuylahan  pag- edukar sa mga bata bahin sa luwas nga pagmaneho ug sa mga kaakohan sa paghimo niini. “There is a need to stop the statistics of death and injuries among these young people and the only way to stop it is by preventing these young people from driving motor vehicles which is the real cause of death and injuries” pagbasa sa resolution ni Ouano aprobado sa Sangguniang Panlalawigan .

Sa pikas bahin, sobra 10 ka motorsiklo nasampolan sa unang adlaw pagpatuman sa discipline zone sa Dakbayan sa Talisay sagad kanila diha gidakop sa karsada sa Barangay Poblacion.

Nagsilbing sampol ang maong napulo ka motor nga gipataka lang og parking atol pa gyud sa pormal nga pagpatuman sa “Discipline Zone” isip pilot area ang maong barangay.

Si Jonathan “Joy” Tumulak, traffic czar sa dakbayan miingon nga hagbay ra sila nga nipahimangno sa mga tinun-an sa Talisay City College (TCC) nga dili pasobraan og parking ang dapit kay mukawat naman sa karsada ang mga motor.

Paglusad sa “Discipline Zone” gitambongan nila ni Police Colonel Roderick Mariano, direktor sa Cebu Provincial Police Office (CPPO), mayor Gerald Anthony “Samsam” Gullas Jr., Police Major Orlando Carag Jr., hepe sa kapulisan sa siyudad ug ni Kapitan Edward Alesna.

Si Carag nagkanayon nga iyang giuna ang Poblacion kay una niyang limpyohan ang ilang kaugalingong tugkaran.

Nalipay sab si Gullas kay desidido ang kapulisan sa pagtabang kanila niining pag-implementar sa mga balaud aron malinawon ug hapsay ang siyudad.

Sa pagkakaron, hugot nang gipatuman sa siyudad ang curfew alang sa mga menor de edad, pagpataka og labay sa basura, paginom og ilimnong makahubog sa pampublikong lugar, dili pagsul-ob og helmet sa mga magmotor ug uban pa.

Gihatagan ni Mariano si Carag og duha ka buwan aron hingpit nga mabalik ang disiplina diha sa maong barangay pinaagi sa pagpasunod sa maong mga ordinansa ug traffic laws kay nagtuo si Mariano nga motakod kini sa ubang barangay. Si Kapitan Edward Alesna mihangop sa maong programa kay kini alang raman sab sa kaayohan sa kinabag-an. (Gabriel Bonjoc/IBM)(BANAT NEWS)

DRIVING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with