Apil sa watchlist sikop sa buy-bust
CEBU, Philippines – Nadakpan sa managlahing buy-bust operation sa mga sakop sa City Drug Enforcement Unit ug City Intelligence Branch sa Lapu-Lapu City Police Office ang lima ka tawo nga naapil sa ilang watchlist sa mga pushers.
Si Police Captain Airbert Jay Samson, deputy chief sa CIB, niila sa ilang mga dinakpan alas 9 pasado sa niaging gabii sa Sitio BRC sa Barangay Basak nga sila si Wardel Godinez Reducto, 40, nagpuyo sa Purok Kapayas, Barangay Canjulao sa maong dakbayan.
Matud ni Samson nga ang kauban nga lakip sa nadakpan mao si Junrey Baba Villariasa, 39, taga Sitio Negative, Barangay Carreta sa Dakbayan sa Sugbo.
Nakuha nga mga ebidensiya mao ang usa ka putos ug siyam ka paketeng shabu nga balor og P10,472 ug salapi nga P1,000 nga buy-bust money ug P500 nga gituohang halin.
Lain nilang nadakpan mao si Jason Turno Racaza, 27, construction worker nga nakuhaan sab og siyam ka paketeng shabu nga mokantidad og P20,264.
Nadakpan sab sa Sitio Seawage, Barangay Pusok sa maong dakbayan ang laing duha ka pusher nga sila si Niño Peñalosa Ferrer, 30, ug Arturo Peñalosa Ferrer, 33, pulos nagpuyo sa maong dapit ug nakuha gikan kanila ang 11 ka gagmay nga pakete sa shabu nga kantidad og P20,400.
Sa laing bahin, duha sab ang nadakpan sa buy-bust operation Phantom Lawas, Lorega-San Miguel, Cebu City.
Nadakpan ang 29-anyos nga si Arnold Dejaño Sesaldo ug ang 32-anyos nga si Erlan Mabaga Adolfo human nasakmit ang unom ka pakete nga shabu nga balor og P204,000.(Lowena Alolor Valmoria /GMR)(BANAT NEWS)
- Latest
