Nadisgrasya sa Boljoon gitabangan sa Kapitolyo
CEBU, Philippines — Gipanghatagan og mga relief goods ang mga pamilya nga nabiktima sa aksidente sa Boljoon atol sa pagbisita ni Gobernador Gwendolyn Garcia niadtong Sabado. Ang Provincial Social Welfare and Development Office mohatag sab og tabang pinansiyal sa mga pamilyang namatyan.
Matud sa officer in-charge sa PSWDO nga si Wilson Ramos nga dili mominus sa P10,000 ang mahatag sa mga namatyan ug P5,000 sa mga naangol.
Ang kagamhanan sa Lungsod sa Boljoon ug Department of Education ang nihatag na sab sa ilang tabang sa mga biktima.
Adunay 13 gihapon ang anaa sa Vicente Sotto Memorial Medical Center ug usa ang anaa sa Intensive Care Unit (ICU) sa Chong Hua Hospital nga kritikal gihapon ang kondisyon. “Ang uban humana ang CT scan, naa nay result. Ang uban humana sad og opera. Tapos naa puy uban nga scheduled for operation...katong tauran og stainless,” matud ni Ramos. - Beverly I. Manla (BANAT NEWS)
- Latest
