Mayor Cortes nagpatabang sa paghipos sa basura
Rowena D. Capistrano (Banat) - July 22, 2019 - 12:00am

CEBU, Philippines — Giawhag  ni Mandaue  City  Mayor Jonas  Cortes  ang mga lumulupyo sa kabarangayan  nga motabang  sa kagamhanan  sa pagsulbad  sa suliran  sa paghipos  sa mga basura.

Ang  maong awhag  sa mayor nahimo sanglit  wala  na siyay  kapilian nga pagahimuon  sa  nasinati  nga suliran sa paglabay  sa mga basura nunot sa pagsirado sa labayanan sa Lungsod sa Consolacion  sulod  na sa pipila ka bulan.

Sa  panahon ni kanhi mayor Luigi  Quisumbing ilang gihimo   ang  pagbalhin na unta  og labay  sa basura  ngadto sa Binaliw  landfill apan nakahukom na usab  karon  ang kagamhanan sa Dakbayan sa Sugbo nga dili na kini labayan.

Si Mayor Cortes  miingon nga makatabang kaayo  ang  mga residente pinaagi  sa pagbahig  na  daan sa ilang  mga basura gikan sa malata ug  dili  malata.

Gitataw sa mayor nga nakasabot  kaayo  siya  sa nakab-ot  nga hukom  sa kagamhanan sa  Dakbayan  sa Sugbo mao nga  niining  mga panahona maoy ilang gikonsiderar ang collection ug segregation  nga maoy labing maayong himuon.

Dugang pa niya nga ang paghingusog  sa  kamanduan alang sa pagpabahig sa mga basura maoy  usa sa labing  maayong lakang kay   sa maong paagi mamenusa man ang tonelada nga basura nga mahakot  sa mga garbage truck.

Sa  maong lakang iyang gimando ngadto sa mga kawani sa City Hall  sa pagpasiugda sa maong paagi sa ilang mga buhatan ug ingon man sa ilang kabalayan. (Romeo  T.   Limpangog/DILT)

Seguridad sa kabataan angay hatagan og pagtagad

Bag-ong nilingkod nga Chairman sa Commission on Youth sa Archdiocese of Cebu nga si Fr. Andrie Ventanilla, nasubo sa trahedya nga mahitabo sà mga tinun-an nga nakalas human nakasugat og disgrasya ang dumptruck nga ilang gisakyanan sa bukiran nga bahin sa Lungsod sa Boljoon.

Gipahibawo ni Ventanilla nga human niya nadawat ang taho, nipahigayon sila og pag-ampo alang sa mga nakalas ug sa pamilya niini.

Iya usab gidasig ang mga kabatan-onan sa arsidayosesi sa pagtunol og mga tabang nga kutob sa ilang mahimo direkta na ngadto sa mga hingtungdan.

Gitug-an ni Ventanilla nga sila sa komisyon, motuki usab kon unsa ang ilang mahatag.

Matud niya nga human sa maong trahedya hatagan na gayud og tukma nga pagtagad ilabi na ang seguridad sa mga kabataan.

Kagahapon hingpit nang gilubong ang mga bata nga nakalas sa disgrasya. (/DILT)(BANATNEWS)

CORTES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with