Laing Josenian midaug sa GNEA

CEBU, Philippines — Sulod sa tulo ka tuig, laing estudyante sa USJ-R ang midaug sa prestihiyosong indigay sa GMA News alang sa mga aspiring journalists.

Si Wenilyn Sabalo maoy midaug sa  GMA News Excellence Award. Siya ang ikatulo nga nakakuha niini gikan sa usa ka tunghaan sa Sugbo human siya misunod nila ni Lorraine Mitzi Ambrad ug Marco Romas nga maoy milangkat sa award niadtong tuig 2017 ug 2018.

Ang GNEA usa ka search alang sa mga Filipino graduating students nga mipakita og “exemplary leadership, stellar academic performance and proactive social responsibility,” matud pa sa website sa GMA Network.

Si Sabalo kinsa migradward isip Magna Cum Laude in Journalism sa USJR niadtong Marso 2019. Siya nahimong presidente sa Josenian Journalism Axis ug editor-in-chief sa The Purveyor Publication nga ubos sa Department of Journalism and Communications sa USJ-R.

“Pag-awarding, actually, na preasured jud ko ato, I really wanted to give USJ-R the grandslam win para ikatulo na”, matud niya.

Nagpasalamat si Sabalo ngadto sa kahitas-an diin iyang gihulagway nga kini ang iyang ‘best cheer leader’ ug siya nagtuo nga ang pagtinabangay maoy yawe sa iyang kalampusan diin iya sab gipasamatan ang tanang tawo nga nakatabang sa pagkab-ot sa iyang kadaugan.

“Be sure nga imong gisudlan is what you really wanted og passionate jud ka. And at first daghan jud nang challenges nga ma encounter but kita man tanan,” mensahe ni Sabalo ngadto sa mga aspiring journalists.

Nahitabo ang awarding ceremony didto sa GMA Network Center sa Quezon City diin nakadawat si Sabalo og trophy ug P50, 000. (/DILT)(BANATNEWS)