Malinawon sa away nilang Pacquiao ug Thurman

CEBU, Philippines — Labing malinawaon ang adlaw nga Domingo kagahapon   atol sa gipahigayon nga panagsangka sa duha ka banggiitang  boksidor nga sila si Senador Manny  Pacquiao  ug Keith Thurman  sa Las Vegas Nevada sa Estados  Unidos. Kini maoy paghulagway sa mga nagkadaiyang kuwerpo sa kapolisan kinsa  miangkon nga  bisan sila daw nalingaw usab nga nagsud-ong sa pasundahyag sa telebisyon sa pagsinukliay sa kinumo sa duha ka protagonista kagahapon.

Si Police Master  Sergeant Rog in Pepito sa  Liloan Police Station miingon nga sa maong adlaw sa away  ni Pacquiao ug Thurman wala sila makatala sa ilang blotter nga panghitabo.

Dugang pa niya nga sagad sa mga tawo nga naglakip sa mga habal-habal drayber ug PUJ drayber  ang mihunong una sa makadiyot sa ilang pagpamasahero  tungod kay nag-atang kini sa pasundayag sa telebisyon.

Nasinati usab kining maong kahimtang sa Dakbayan sa Mandaue ug Dakbayan sa Lapu-Lapu  nga ang  pipila ka  mga drayber  sa mga sakyanan pasaheroan ang nag-atang sa pagsud-ong sa pasundayag sa telebisyon sa away ni Pacquiao ug Thurman. 

 Hinuon ang kapolisan sa Mandaue City Police Office (MCPO) bisan nahuman na ang away ni Pacquiao gipabilin nilang alerto ug padayon nga nagbantay sa kalinaw ang unom ka mga police precincts niini. (/IBM)(BANATNEWS)