Composition sa 60 ka special bodies giandam

CEBU, Philippines – Ang executive department sa Cebu City Hall nag-andam na sa composition sa mga lokal nga komitiba ug commission nga gikinahanglan sa siyudad.

Nikabat sa 60 ka special bodies, komitiba, commission ug council sa siyudad ang i-convene ubos sa bag-ong administrasyon ni Mayor Edgardo Labella.

Niadtong tuig 2016, si kanhi mayor Tomas Osmeña wala gitigom ang pipila ka special bodies ug mga commission tungod sa giingong kapakyasan sa paghatag og katarungan pagkamugna niini.

Kaniadto gipahibawo ni Osmeña ang posibleng pagsirado sa 90 ka buhatan ug mga special nga pundok sa siyudad tungod kay giingong kasagaran kanila wala’y mga minute sa mga meeting, walay mga resolusyon apan adunay daghang gasto.

Si Labella nagkanayon nga adunay mga membership sa commission, special nga mga pundok ug mga komitiba gikan sa mga sakop sa konseho sa dakbayan.

Sa 57 ka special bodies kasagaran niini ang namugna pinaagi sa usa ka ordinansa aron dili kini ma-disolve.

Ang pipila sa mga local board ug komitiba sa siyudad gilangkuban sa Cebu City Anti-Drug Abuse Council; Cebu City Private Sector Organizational Evaluation ug Monitoring Board; Motorized Tricycle Regulatory Board; Liquor Licensing Commission; Committee on Decorum ug Investigation sa Sexual Harassment Cases; Personnel Selection Board, ug Accreditation Committee.

Ang ubang special bodies mao ang Cebu Local Economic and Investment Management Board; Cebu City Medical Center Board; Task Force for the Protection and Welfare of Persons with Cancer; PLEB South; Cebu City Disaster Risk Reduction Management Council; Police Coordination and Advisory Council; Waterfront Development Commission , Cebu City Tripartite Industrial Peace Council; Local Micro Small Medium Enterprise Development Council; Local Price Coordinating Council sa Cebu City ug Cebu Youth Coordinating Council.

Ang siyudad adunay 20 ka special boards; 14 ka commission; unom ka komitiba, 14 ka council, ug unom ka laing mga buhatan. (/BDB)(BANAT NEWS)